ଆସନ୍ତା ୩୧ରେ ଅବନ୍ତୀଙ୍କ ପାଇଁ ଭର୍ଚୁଆଲରେ ପ୍ରଚାର କରିବେ ନବୀନ

ଭଦ୍ରକ: ତାରିଖ ପାଖଉଛି, ଧାମନଗରରେ ତାତି ବଢୁଛି । ଉପନିର୍ବାଚନ ପାଇଁ କମ୍ପୁଛି ପ୍ରଚାର ମଇଦାନ । ଘର ଘର ବୁଲି ଭୋଟ ମାଗୁଛନ୍ତି ହେଭିଓ୍ବେଟ ନେତା । ଆସନ୍ତା ୩୧ ତାରିଖରେ ବିଜେଡି ପ୍ରାର୍ଥୀ ଅବନ୍ତୀ ଦାସଙ୍କ ପାଇଁ ଭର୍ଚୁଆଲରେ ପ୍ରଚାର କରିବେ ନବୀନ ।

ପ୍ରଚାରରେ ଆଗରେ ଥିବା ବିଜେଡିକୁ ନବୀନଙ୍କ ପ୍ରଚାର ଅଧିକ ବଳ ଯୋଗାଇବ । ବିକାଶ ସହ ଭୋଟର ରହିବେ, ବିରୋଧୀ ଯେତେ ଅପପ୍ରଚାର କରିବେ ଦଳ ସେତେ ଅଧିକ ଭୋଟ ବ୍ୟବଧାନରେ ଜିତିବ ବୋଲି ବିଜେଡି କହିଛି। ସେପଟେ ଦୁଇ ଜାତୀୟ ଦଳ କେନ୍ଦ୍ରୀୟ ନେତାଙ୍କୁ ଭରସା କରିଛନ୍ତି। ଆସନ୍ତାକାଲି କେନ୍ଦ୍ରମନ୍ତ୍ରୀ ବିଜେପି ପ୍ରାର୍ଥୀଙ୍କ ପାଇଁ ଭୋଟଭିକ୍ଷା କରିବେ । ସେହିପରି କଂଗ୍ରେସର ହେଭିଓ୍ବେଟ ନେତା ମଧ୍ୟ ପ୍ରଚାର ମଇଦାନକୁ ଓହ୍ଲାଇବେ ।