ଅଭିନନ୍ଦନ ଜଣାଇଲେ ମୁଖ୍ୟମନ୍ତ୍ରୀ

ଭୁବନେଶ୍ବର: ଏସିଆନ ଗେମସର ସପ୍ତମ ଦିବସରେ ଭାରତକୁ ଟେନିସରୁ ମିଳିଛି ଆଉ ଏକ ସ୍ବର୍ଣ୍ଣ  । ଇତିହାସ ରଚିଛି ଭାରତ  । ମିକ୍ସଡ ଡବଲସରେ ରୋହନ ବୋପାନ୍ନା ଓ ଋତୁଜା ଭୋସଁଲେ ଫାଇନାଲରେ ଚାମ୍ପିଅନ ହୋଇ ଗୋଲ୍ଡ ମେଡାଲ ହାତେଇଛନ୍ତି  । ଏହି ସଫଳତା ପାଇଁ ମୁଖ୍ୟମନ୍ତ୍ରୀ ଉଭୟଙ୍କୁ ଅଭିନନନ୍ଦନ ଜଣାଇବା ସହ ଆଗକୁ ଏହି ବିଜୟ ଧାରା ଜାରି ରହି ଦେଶ ପାଇଁ ଆହୁରି ଗର୍ବ ଆଣିବେ ବୋଲି ଶୁଭେଚ୍ଛା ଜଣାଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ତେବେ ଶନିବାର ସପ୍ତମ ଦିବସରେ ପ୍ରଥମ ପଦକ ସୁଟିଂରୁ ଆସିଥିଲା  । ସର୍ବଜୋତ ଏବଂ ଦିବ୍ୟା ଭାରତ ପାଇଁ ୧୦ ମିଟର ଏୟାର ପିସ୍ତଲ ମିକ୍ସଡରେ ରୌପ୍ୟ ହାତେଇଥିଲେ  । ଭାରତ ଏବେ ସୁଦ୍ଧା ସୁଟିଂରୁ ୧୯ଟି ମେଡାଲ ପାଇଥିବାବେଳେ ମୋଟ ୩୫ଟି ମେଡାଲ ଜିତି ୫ମ ସ୍ଥାନକୁ ଖସି ଆସିଛି  । ଗତକାଲି ସୁଦ୍ଧା ୮ଟି ସ୍ବର୍ଣ୍ଣ ହାସଲ କରି ଚତୁର୍ଥ ସ୍ଥାନରେ ଥିଲା  । ଆଜି ଟେନିସରୁ ନବମ ସ୍ବର୍ଣ୍ଣ ହାସଲ ସହ ଭାରତ ଏବେ ସୁଦ୍ଧା ୧୩ ରୌପ୍ୟ ଓ ୧୩ ବ୍ରୋଞ୍ଜ ପାଇଛି  ।