ନିଟ୍‌ ଟପ୍ପର ସୋଏବଙ୍କ ସହ ଫୋନ୍‌ରେ କଥା ହେଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ

ଭୁବନେଶ୍ୱର: ନିଟ୍‌ ପରୀକ୍ଷାରେ ରେକର୍ଡ କରିଥିବା ସୋଏବ୍‌ ଅଫ୍‌ତାବଙ୍କ ସହ ଫୋନ୍‌ରେ  କଥା ହେଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ସୋଏବଙ୍କ ସଫଳତା ପାଇଁ ମୁଖ୍ୟମନ୍ତ୍ରୀ ତାଙ୍କ ଉଜ୍ଜଳ ଭବିଷ୍ୟତ କାମନା କରିବା ସହ ଆଗାମୀ ଜୀବନରେ ମଧ୍ୟ ଏଭଳି ସଫଳ ହୁଅ ବୋଲି କହିଛନ୍ତି ।

ନିଟ୍ ପରୀକ୍ଷାରେ ଶତ ପ୍ରତିଶତ ନମ୍ବର ରଖି ସର୍ବଭାରତୀୟସ୍ତରରେ ଓଡ଼ିଶା ପାଇଁ ଗୌରବ ସାଜିଥିବା ସୋଏବ ଅଫତାବଙ୍କ ସହ ଫୋନ୍ ଯୋଗେ କଥା ହୋଇ ମୁଖ୍ୟମନ୍ତ୍ରୀ ଶ୍ରୀ @Naveen_Odisha ଶୁଭେଚ୍ଛା ଜଣାଇଛନ୍ତି। ଏହି ଅବସରରେ ମୁଖ୍ୟମନ୍ତ୍ରୀ ତାଙ୍କର ଆହୁରି ସଫଳତା ଓ ଉଜ୍ଜ୍ୱଳ ଭବିଷ୍ୟତ କାମନା କରିଛନ୍ତି।https://t.co/jeSUeVQS4H

— CMO Odisha (@CMO_Odisha) October 18, 2020

ତେବେ ଏହା ପର୍ବରୁ ଶନିବାର ପ୍ରଥମେ ମୁଖ୍ୟମନ୍ତ୍ରୀଙ୍କ କାର୍ଯ୍ୟଳୟ CMO ପକ୍ଷରୁ ଟ୍ୱିଟ୍‌ ଯୋଗେ ସୋଏବଙ୍କୁ ଅଭିନନ୍ଦନ ଦିଆଯାଇଥିଲା । ଏହା ପରେ ରବିବାର ମୁଖ୍ୟମନ୍ତ୍ରୀ ସୋଏବଙ୍କ ସହ ଫୋନ୍ ଯୋଗେ କଥା ହୋଇ ତାଙ୍କୁ ଶୁଭେଚ୍ଛା ଜଣାଇଛନ୍ତି ।‌

CM @Naveen_Odisha congratulated #Odisha's Soyeb Aftab for getting a perfect score in #NEET2020 and securing top position in the examination. CM wished him the very best. #NEETResults2020

— CMO Odisha (@CMO_Odisha) October 17, 2020

ସୂଚନାଯୋଗ୍ୟ, ଶୁକ୍ରବାର ନିଟ୍ ପରୀକ୍ଷା ଫଳ ପ୍ରକାଶ ପାଇଛି । କୋଭିଡ୍ କଟକଣା ମଧ୍ୟରେ ଏବର୍ଷର ନିଟ୍ ପରୀକ୍ଷା ହୋଇଥିଲା । ତେବେ ଏଥର ପରୀକ୍ଷାରେ ଜଣେ ଓଡିଆ ପୁଅ ସର୍ବଭାରତୀୟ ସ୍ତରରେ ପ୍ରଥମ ହୋଇଛନ୍ତି । ନିଟ୍ ପରୀକ୍ଷାରେ ଏଭଳି ପ୍ରଦର୍ଶନ କରିବାରେ ସେ ପ୍ରଥମ । ୭୨୦ ରୁ ୭୨୦ ମାର୍କ ରଖିବାର ସ୍ୱଭାଗ୍ୟ ଅର୍ଜନ କରିଛନ୍ତି ସୋଏବ୍‌ । ଉଲ୍ଲେଖଯୋଗ୍ୟ ଯେ ସେ ରାଉରକେଲାର ବାସିନ୍ଦା ଅଟନ୍ତି । ତେବେ ତାଙ୍କ କଠିନ ପରିଶ୍ରମ ରାଜ୍ୟ ପାଇଁ ଏହି ଗୌରବ ଆଣିଛି । ଏହା ପୂର୍ବରୁ ଓଡ଼ିଶା ପକ୍ଷରୁ କେହି NEET ପରୀକ୍ଷାରେ ପ୍ରଥମ ସ୍ଥାନ ଅଧିକାର କରିନଥିଲେ ।