‘ପାଣ୍ଡାମିକ ଡିସ୍ରପସନ୍ସ ଆଣ୍ଡ ଓଡ଼ିଶାସ ଲେସନ୍ସ ଇନ୍ ଗଭରନାନ୍ସ’ ପୁସ୍ତକ ଉନ୍ମୋଚନ କଲେ ମୁଖ୍ୟମନ୍ତ୍ରୀ
1 min read
ଭୁବନେଶ୍ବର: ‘ପାଣ୍ଡାମିକ ଡିସ୍ରପସନ୍ସ ଆଣ୍ଡ ଓଡ଼ିଶାସ ଲେସନ୍ସ ଇନ୍ ଗଭରନାନ୍ସ’ ପୁସ୍ତକ ଉନ୍ମୋଚନ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ମହାମାରୀ ମୁକାବିଲା ଓ ଓଡ଼ିଶା ପ୍ରଶାସନର ଭୂମିକାକୁ ନେଇ ଆଧାରିତ ଏହି ପୁସ୍ତକରେ ଉଲ୍ଲେଖ କରିଛନ୍ତି ରାଜ୍ୟସଭା ସାଂସଦ ଅମର ପଟ୍ଟନାୟକ । ନବୀନ ନିବାସରେ ପୁସ୍ତକଟିକୁ ଉନ୍ମୋଚନ କରିଛନ୍ତି ମୁଖ୍ୟମନ୍ତ୍ରୀ । ଦୁଇବର୍ଷ ତଳେ ଘଟିଥିବା କରୋନା ମହାମାରୀରେ ଭାରତର ମୁକାବିଲାକୁ ବିଷୟବସ୍ତୁରେ ଉପସ୍ଥାପନା କରାଯାଇଛି ।
ସ୍ବାସ୍ଥ୍ୟ ନିରାକରଣ, ଟିକାକରଣ, ଅନଲାଇନରେ ପାଠପଢା ସହ ବିଭିନ୍ନ ଯାନ୍ତ୍ରୀକ କୌଶଳର ପ୍ରୟୋଗକୁ ବିଭିନ୍ନ ପ୍ରବନ୍ଧରେ ଲେଖକ ବ୍ୟାଖ୍ୟା କରିଛନ୍ତି । ସୀମିତ ସମ୍ବଳରେ ଓଡ଼ିଶା କିପରି ଏହି ମହାମାରୀର ମୁକାବିଲା କରିଥିଲା ସେ ସମ୍ପର୍କରେ ମଧ୍ୟ ଲେଖକ ଉଲ୍ଲେଖ କରିଛନ୍ତି । ଫାଇଭ୍-ଟି ଉପକ୍ରମରେ ଓଡ଼ିଶାର ମୁକାବିଲା ଫର୍ମୁଲା ବା ମଡେଲକୁ ଦେଶ କିପରି ଅନୁକରଣ କରିଥିଲା ସେ କଥା ବି ବହିରେ ସ୍ଥାନ ପାଇଛି । ଏହା ପୂର୍ବରୁ ଓଡ଼ିଶା ପ୍ରାକୃତିକ ବିପର୍ଯ୍ୟୟର ସଫଳ ମୁକାବିଲା କରିପାରିଥିବାରୁ ମହାମାରୀର ମୁକବିଲା ପାଇଁ ଓଡ଼ିଶାକୁ ମିଳିଥିଲା ଦିଗଦର୍ଶନ ।
