ଜାପାନ ଯିବେ ନବୀନ ! ଆସିବ ବଡ଼ଧରଣର ପୁଞ୍ଜି ନିବେଶ

ଭୁବନେଶ୍ବର: ଏପ୍ରିଲ ପ୍ରଥମ ସପ୍ତାହରେ ଜାପାନ ଗସ୍ତ କରିପାରନ୍ତି ମୁଖ୍ୟମନ୍ତ୍ରୀ ନୀନ ପଟ୍ଟନାକୟ । ବିଦେଶରୁ ଆସିବ ଆହୁରି ପୁଞ୍ଜି । ଏହି ଗସ୍ତ ସମୟରେ ଜାପାନର ବଡ଼ ବଡ଼ କମ୍ପାନୀ ଓଡ଼ିଶାରେ କିପରି ପୁଞ୍ଜିନିବେଶ କରିବେ ତାହା ଉପରେ ମୁଖ୍ୟମନ୍ତ୍ରୀ ଗୁରୁତ୍ବ ଦେବେ । ୨୦୧୮ ମେକ ଇନ ଓଡ଼ିଶା କନକ୍ଲେଭରେ କଣ୍ଟ୍ରି ପାର୍ଟନର ଥିବା ଜାପାନ ସହ ଓଡ଼ିଶା ବାଣିଜ୍ୟ ସାଂସ୍କୃତିକ ସମ୍ପର୍କ ଭଲ ଥିବାରୁ ନବୀନଙ୍କ ଜାପାନ ଗସ୍ତ ବେଶ ସଫଳ ହେବ ବୋଲି ଅର୍ଥନୈତିକ ବିଶେଷଜ୍ଞମାନେ ମତ ଦେଇଛନ୍ତି । ଅନ୍ୟପଟେ ଜାପାନରେ ଅଧିକ ଟେକ୍ନୋଲୋଜି ଭିତ୍ତିକ ଶିଳ୍ପ ରହିଥିବାରୁ ଏହି କ୍ଷେତ୍ରରେ ଅଧିକ ପୁଞ୍ଜି ଆସିବ ବୋଲି ଆଶା ରଖିଛି ଶାସକ ଦଳ ।

ରୋମ, ଦୁବାଇ ପରେ ସୂର୍ଯୋଦୟର ଦେଶ ଜାପାନରୁ ଛୁଟିବ ପୁଞ୍ଜିର ସୁଅ । ନିବେଶକାରୀଙ୍କ ସହ ଆଲୋଚନା କରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଏପ୍ରିଲ ପ୍ରଥମ ସପ୍ତାହରେ ଗସ୍ତ । ଫୋକସରରେ ରହିବ ଟେକ୍ନୋଲଜି ଭିତ୍ତିକ ଶିଳ୍ପ ।

ଜାପାନ ସହ ଓଡ଼ିଶାର ବାଣିଜ୍ୟ ଓ ସାଂସ୍କୃତିକ ସୁ-ସମ୍ପର୍କ ରହିଥିବାରୁ ଏହାକୁ ଆହୁରି ମଜଭୁତ କରାଯିବ । ଏପ୍ରିଲ ପ୍ରଥମ ସପ୍ତାହରେ ମୁଖ୍ୟମନ୍ତ୍ରୀ ଜାପାନ ଗସ୍ତ କରିବାର ସମ୍ଭାବନା ରହିଛି । ଓଡ଼ିଶାରେ ଟେକ୍ନୋଲୋଜି ଭିତ୍ତିକ ଶିଳ୍ପରେ ପୁଞ୍ଜି ନିବେଶ ପାଇଁ ନବୀନ ନିବେଶକାରୀଙ୍କ ସହ ଆଲୋଚନା କରିବେ । ଓ୍ବାନ ଟୁ  ଓ୍ବାନ ଆଲୋଚନା ସହ ରୋଡ ଶୋ’ ମାଧ୍ୟମରେ ଇନଭେଷ୍ଟର୍ସଙ୍କୁ ଆକୃଷ୍ଟ କରିବେ । ପର୍ଯ୍ୟଟନ, ଖାଦ୍ୟ ପ୍ରକ୍ରିୟାକରଣ, ଖଣି, ଆଇଟି, କ୍ଷେତ୍ରରେ ଓଡିଶାରେ ପୁଞ୍ଜିନିବେଶ କରିବାର ବ୍ୟାପକ ସୁଯୋଗ ରହିଛି ବୋଲି ଜାପାନ ନିବେଶକାରୀଙ୍କୁ ବୁଝାଇବେ । ଓଡ଼ିଶାର ନୂଆ ଶିଳ୍ପନୀତି ସହ ସବୁ କ୍ଷେତ୍ରରେ ନିବେଶକାରୀଙ୍କୁ ରାଜ୍ୟ ସରକାର ପ୍ଲସ ଓ୍ବାନ ସୁବିଧା ଯୋଗାଇ ଦେଉଥିବା କଥା ମଧ୍ୟ ଆଲୋଚନା ହେବ । ପୂର୍ବରୁ ୨୦୧୮ ମେକ ଇନ ଓଡ଼ିଶା କନକ୍ଲେଭରେ ଜାପାନର ପ୍ରତିନିଧିମାନେ ସାମିଲ ହୋଇ ଓଡ଼ିଶା ସହ ବାଣିଜ୍ୟ ସମ୍ପର୍କ ମଜଭୁତ କରିଛନ୍ତି । ତେଣୁ ନବୀନଙ୍କ ଜାପାନ ଗସ୍ତ ବଡ଼ ପୁଞ୍ଜି ଆଣିବ ବୋଲି ଶାସକ ଦଳ କହିଛି ।

ଅନ୍ୟପଟେ ୨୦୨୨ ଅଗଷ୍ଟ ମାସରେ ରାଜ୍ୟରେ ପୁଞ୍ଜି ନିବେଶ ପାଇଁ ମୁଖ୍ୟମନ୍ତ୍ରୀ ୩୦ଟି ଦେଶର ରାଷ୍ଟ୍ରଦୂତଙ୍କ ସହ ଦିଲ୍ଲୀରେ ଆଲୋଚନା କରିଥିଲେ । ଏହାସହ ରୋମ ଓ ଦୁବାଇ ଗସ୍ତ ପରେ ବି ବିଦେଶରୁ ପୁଞ୍ଜିର ସୁଅ ଛୁଟିଥିଲା । ଏବେ ପୁଣିଥରେ ମୁଖ୍ୟମନ୍ତ୍ରୀ ବିଦେଶରୁ ଅଧିକ ପୁଞ୍ଜି ଆଣିବା ପାଇଁ ଅଣ୍ଟା ଭିଡିଛନ୍ତି । ବିଦେଶରୁ ପୁଞ୍ଜି ଆଣିବାରେ ଦେଶର ଟପ ଥ୍ରୀ ରାଜ୍ୟମାନଙ୍କ ମଧ୍ୟରେ ଓଡ଼ିଶା ରହିଛି । ସାରା ଦେଶରେ ପୁଞ୍ଜି ନିବେଶ ପାଇଁ ଓଡ଼ିଶା ବଡ଼ ସଫଳତା ମଧ୍ୟ ସାଉଁଟିଛି । ତେଣୁ ମୁଖ୍ୟମନ୍ତ୍ରୀଙ୍କ ଜାପାନ ଗସ୍ତ ବେଶ ସଫଳ ହେବ ବୋଲି ବିଶେଷଜ୍ଞ କହିଛନ୍ତି ।

ଭାରତର ଖଣିଜ ସମ୍ପଦ କ୍ଷେତ୍ରରେ ଓଡ଼ିଶାର ସିଂହଭାଗ ରହିଛି ।  ଓଡ଼ିଶା ଏବେ ଶିଳ୍ପର ହବ୍ ପାଲଟିଛି । ପ୍ରାକୃତିକ ସମ୍ପଦରେ ଭାରତର ଟପ୍ ୧୧ଟି ଆଇଟିଆଇ ସଂସ୍ଥା ଓଡ଼ିଶାରେ ରହିଛି । ଏଡିବି ଓ ସିଙ୍ଗାପୁରର ଆଇଟିଇଇଏସ ଓ ଓଡ଼ିଶା ସରକାରଙ୍କ ସହଭାଗିତାରେ ଭୁବନେଶ୍ବରରେ ବିଶ୍ବ ଦକ୍ଷତା କେନ୍ଦ୍ର ପ୍ରତିଷ୍ଠା ହୋଇଛି । ଓଡ଼ିଶାର ଦକ୍ଷ ମାନବ ସମ୍ବଳ ମଧ୍ୟ ପୁଞ୍ଜି ନିବେଶ ଲାଗି ସହାୟକ ହୋଇଛି । ଏବେ ଓଡ଼ିଶା ଓ ଜାପାନର ୫୨ଟି କମ୍ପାନୀ ବିଭିନ୍ନ ସେକ୍ଟରରେ କାରବାର କରୁଛନ୍ତି । ଆଗକୁ ଏହି ଧାରା ଅଧିକ ତ୍ବାରାନ୍ବିତ ହେବ ।