ଓଡ଼ିଶା ଫର ଆର୍ଟିଫିସିଆଲ ଇଣ୍ଟେଲିଜେନ୍ସ ଆଣ୍ଡ ଆର୍ଟିଫିସିଆଲ ଇଣ୍ଟେଲିଜେନ୍ସ ଫର ୟୁଥ ଇନିସିଏଟିଭ ଲଞ୍ଚ କଲେ ମୁଖ୍ୟମନ୍ତ୍ରୀ
1 min read
ଭୁବନେଶ୍ବର: ଆର୍ଟିଫିସିଆଲ ଇଣ୍ଟେଲିଜେନ୍ସର ନୂଆ ଅଧ୍ୟାୟ । ଓଡ଼ିଶା ଫର ଆର୍ଟିଫିସିଆଲ ଇଣ୍ଟେଲିଜେନ୍ସ ଆଣ୍ଡ ଆର୍ଟିଫିସିଆଲ ଇଣ୍ଟେଲିଜେନ୍ସ ଫର ୟୁଥ ଇନିସିଏଟିଭକୁ ଲଞ୍ଚ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ପ୍ରଥମ ପର୍ଯ୍ୟାୟରେ ଏହି ଇନିସିଏଟିଭକୁ ଭୁବନେଶ୍ବର, ପୁରୀ ଓ କଟକରେ କାର୍ଯ୍ୟକାରୀ କରାଯିବ । ଲୋକସେବା ଭବନରେ ଆୟୋଜିତ ହୋଇଥିବା ଏକ କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀ ଏହାକୁ ଲଞ୍ଚ କରିଛନ୍ତି ।
ଆଇଟି କମ୍ପାନୀ ଇଣ୍ଟେଲକୁ ଏହି ଇନିସିଏଟିଭ ଲାଗି ଦାୟିତ୍ବ ଦିଆଯାଇଛି । ସାମ୍ପ୍ରତିକ ବିଶ୍ବର ରୂପାୟନ ଓ ଏହାକୁ ବିକଶିତ କରିବା ଲାଗି ଆର୍ଟିଫିସିଆଲ ଇଣ୍ଟେଲିଜେନ୍ସ ଏବେ ପ୍ରମୁଖ ଭୂମିକା ଗ୍ରହଣ କରିଛି । ମୁଖ୍ୟମନ୍ତ୍ରୀ କହିଛନ୍ତି, 5T ଇନିସିଏଟିଭ ଅନ୍ତର୍ଗତ ପ୍ରଯୁକ୍ତି ଭିତ୍ତିକ ରୂପାନ୍ତରଣକୁ ସରକାର ଗୁରୁତ୍ବ ଦେଉଛନ୍ତି । ଏହି ଇନିସିଏଟିଭ ଡିଜିଟାଲ ଲିଟେରାସିକୁ ବଢ଼ାଇବା କ୍ଷେତ୍ରରେ ସହାୟକ ହେବା ସହ ପରବର୍ତ୍ତୀ ପିଢ଼ି ଲାଗି ବିଶେଷ ସହାୟକ ହେବ । ଗବେଷଣା, ଉଦ୍ଭାବନ ଓ ବିଭିନ୍ନ କ୍ଷେତ୍ର ଲାଗି ଦିଗଦର୍ଶକ ହେବ ।
ଏହି ଇନିସିଏଟିଭର ସୁଯୋଗ ନେବା ଲାଗି ସମସ୍ତ ବିଭାଗକୁ ପରାମର୍ଶ ଦେଇଛନ୍ତି ମୁଖ୍ୟମନ୍ତ୍ରୀ । ରାଜ୍ୟ ଇଲେକ୍ଟ୍ରୋନିକ୍ସ ଓ ଆଇଟି ବିଭାଗ ଓ ଇଣ୍ଟେଲ ଇଣ୍ଡିଆର ମିଳିତ ସହଭାଗିତାରେ ଏହି ଇନସିଏଟିଭ ଆରମ୍ଭ ହୋଇଛି ।
