ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ହେଉଛନ୍ତି ୨୪ କ୍ୟାରେଟ୍ ସୁନା

ଭୁବନେଶ୍ବର: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ହେଉଛନ୍ତି ୨୪ କ୍ୟାରେଟ୍ ସୁନା। ସୁନା ପୁରୁଣା ହେଲେ ବି ଚମକ ହରାଏନି । ୫ଥର ମୁଖ୍ୟମନ୍ତ୍ରୀ ଭାବେ କ୍ଷମତାରେ ରହି ବି ଓଡ଼ିଶାବାସୀଙ୍କ ସେବାରେ କେବେ ଅବହେଳା କରିନାହାନ୍ତି। ମୁଖ୍ୟମନ୍ତ୍ରୀ ଏବେ ବିଜେଡିର ନେତା ନୁହଁନ୍ତି, ଲୋକଙ୍କ ନେତା। ବିକାଶ ପୁରୁଷ ନବୀନଙ୍କୁ ପୁଣି ଷଷ୍ଠ ଥର ପାଇଁ ରାଜ୍ୟବାସୀ ଆଶୀର୍ବାଦ କରିବେ। ଇଣ୍ଡିଆ ଟୁଡେ ମୁଡ୍ ଅଫ୍ ଦ ନେସନ୍ ସର୍ଭେ ରିପୋର୍ଟ ପ୍ରକାଶ ପାଇବା ପରେ ଏପରି ଦାବି କରିଛନ୍ତି ମନ୍ତ୍ରୀ ଅତନୁ ସବ୍ୟସାଚୀ ନାୟକ। ମହିଳା ସଶକ୍ତିକରଣ, ସ୍ବାସ୍ଥ୍ୟସେବା, ଶିକ୍ଷା, ପ୍ରବାସୀ ଶ୍ରମିକଙ୍କ ଉନ୍ନତିକରଣ, ଗରିବଙ୍କ ଆୟ ବୃଦ୍ଧି, ଚାଷୀଙ୍କ ସମସ୍ୟା ଦୂର କରିବାରେ ମୁଖ୍ୟମନ୍ତ୍ରୀ ସଫଳ ହୋଇଛନ୍ତି। କେନ୍ଦ୍ରୀୟ ଅବହେଳା ସତ୍ତ୍ବେ ନିଜ ରାଜ୍ୟର ସ୍ବାଭିମାନକୁ ବଜାୟ ରଖିଛନ୍ତି। ରାଜ୍ୟରୁ ସବୁ ବର୍ଗର ଲୋକଙ୍କ ସମବିକାଶ ହେଉଛି ମୁଖ୍ୟମନ୍ତ୍ରୀ ଲକ୍ଷ୍ୟ। ଧର୍ମାନୁଷ୍ଠାନଠୁ ଆରମ୍ଭ କରି ଆଧୁନିକ ଜ୍ଞାନକୌଶଳ, ବେରୋଜଗାରୀ ଦୂର, ଆର୍ଥିକ ପରିଚାଳନା, ଲୋକାଭିମୁଖୀ ଯୋଜନା ପାଇଁ ରାଜ୍ୟବାସୀଙ୍କ ପ୍ରଥମ ପସନ୍ଦ ହୋଇଛନ୍ତି ମୁଖ୍ୟମନ୍ତ୍ରୀ । ଏଭଳି ନେତା ଦେଶରେ ଅଦ୍ବିତୀୟ।

ମୁଖ୍ୟମନ୍ତ୍ରୀଙ୍କ ଲୋକପ୍ରିୟତାକୁ ସହି ପାରୁନାହାନ୍ତି ବିରୋଧୀ। ସେଥିପାଇଁ ସବୁବେଳେ ଅପ୍ରସଙ୍ଗକୁ ପ୍ରସଙ୍ଗ କରିଚାଲିଛନ୍ତି । ନିର୍ବାଚନ ପରେ ନିର୍ବାଚନ ଆସୁଛି, ବିରୋଧୀଙ୍କ ଏହି ଚାଲ୍କୁ ବୁଝି ଭୋଟର ସବୁବେଳେ ବିଜେଡିକୁ କ୍ଷମତାସୀନ କରିଆସୁଛନ୍ତି । ଲୋକେ ବିକାଶ ଚାହାଁନ୍ତି , ଏହାହିଁ ମୁଖ୍ୟମନ୍ତ୍ରୀଙ୍କ ଶାସନର ମୂଳ ଆଭିମୁଖ୍ୟ ।

ଦେଶର ନମ୍ବର ଓ୍ବାନ୍ ମୁଖ୍ୟମନ୍ତ୍ରୀ, ନମ୍ବର ଓ୍ବାନ୍ ପ୍ରଶାସକ। ନବୀନଙ୍କ ବିକଳ୍ପ ଏପର୍ଯ୍ୟନ୍ତ ରାଜ୍ୟରେ କେହି ନାହାନ୍ତି । ନିଜର ସରଳ ଜୀବନଶୈଳୀର ଚମକରେ ଆଜୀବନ ଲୋକସେବାକୁ ବ୍ରତ କରିଛନ୍ତି ନବୀନ। ଏପରି ଭୀଷ୍ମ ପ୍ରତିଜ୍ଞା ଆଗରେ ନିଷ୍ପ୍ରଭ ହେଉଛି ବିରୋଧୀଙ୍କ ସବୁ ଚାଲ୍।