‘ମୋ ସରକାର’ ଦ୍ୱାରା ମନିଟର୍ ହେବ ବିଦ୍ୟୁତ୍ ସେବା
1 min read
ଭୁବନେଶ୍ୱର: ଏଣିକି ବିଦ୍ୟୁତ୍ ବିଲ୍ ପୈଠ କିମ୍ବା ବିଦ୍ୟୁତ୍ ସମ୍ବନ୍ଧୀୟ ଅନ୍ୟ କୌଣସି କାମ ପାଇଁ ଉପଭୋକ୍ତାଙ୍କୁ ବିଦ୍ୟୁତ୍ ଅଫିସକୁ ଯିବାକୁ ପଡ଼ିବନି । ଆପ୍ ମାଧ୍ୟମରେ ହେବ ସମସ୍ତ ସମସ୍ୟାର ସମାଧାନ । ରାଜ୍ୟ ସରକାରଙ୍କ ଦ୍ୱାରା ଉଦ୍ଘାଟିତ ହେଲା ‘ମୋ ବିଦ୍ୟୁତ୍’ ଆପ ଏବଂ ୱେବ ପୋର୍ଟାଲ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହି ଆପ ଏବଂ ପୋର୍ଟାଲକୁ ଆନୁଷ୍ଠାନିକ ଭାବେ ଲୋକାର୍ପିତ କରିଛନ୍ତି । ରାଜ୍ୟ ଶକ୍ତି ବିଭାଗରେ 5T ପ୍ରୟାସ ଦିଗରେ ଏହି ନୂଆ ପଦକ୍ଷେପ ନିଆଯାଇଛି ।
ଏଥିରେ ବିଦ୍ୟୁତ୍ ଉପଭୋକ୍ତା ଓ ଜନସାଧାରଣ ତ୍ୱରିତ ଓ ଦକ୍ଷ ସେବା ପାଇବେ । ଆପ୍ ମାଧ୍ୟମରେ ଉପକୃତ ହେବେ ୮୯ ଲକ୍ଷ ବିଦ୍ୟୁତ୍ ଉପଭୋକ୍ତା । ଏଣିକି ବିଦ୍ୟୁତ୍ ସେବା ‘ମୋ ସରକାର’ ଦ୍ୱାରା ମନିଟର୍ କରାଯିବ । ୫ କିଲୋୱାଟ୍ ପର୍ଯ୍ୟନ୍ତ ବିଦ୍ୟୁତ୍ ସଂଯୋଗ ୪୮ଘଣ୍ଟାରେ ଦିଆଯିବ । ଅନ୍ଲାଇନ୍ ବିଦ୍ୟୁତ୍ ଦେୟରେ ଉପଭୋକ୍ତାଙ୍କୁ ୨ ପ୍ରତିଶତ ଅତିରିକ୍ତ ରିହାତି ମିଳିବ । କୋଭିଡ୍ ମହାମାରୀ ବେଳେ ଏହି ପୋର୍ଟାଲର ଶୁଭାରମ୍ଭ, ରାଜ୍ୟ ସରକାରଙ୍କ ଏକ ସମୟ ଉପେଯୋଗୀ ପଦକ୍ଷେପ । ଏହି ଅବସରରେ ଗ୍ରୀଡକୋ ସିଏମଡି ସୌରଭ ଗର୍ଗ ଏହି ଆପ ଏବଂ ପୋର୍ଟାଲର ଉପକାରିତା ସମ୍ପର୍କରେ ବିଶେଷ ତଥ୍ୟ ରଖିଥିଲେ ।
ସେହିପରି ଏହି ଆପ ଯେଉଁ ଉଦ୍ଦେଶ୍ୟରେ କରାଯାଉଛି । ତାହାକୁ ଉପଯୋଗ କରିବା ପାଇଁ ଗ୍ରୀଡକୋ ସିଏମଡି ଅନୁରୋଧ କରିଥିଲେ ।
