’ଲୋକ ପ୍ରତିନିଧି ଭାବେ ବିଜୟଙ୍କ କାର୍ଯ୍ୟ ସର୍ବଦା ମନେ ରହିବ‘
ଭୁବନେଶ୍ୱର: ପଦ୍ମପୁର ବିଧାୟକ ତଥା ବିଜେଡିର ବରିଷ୍ଠ ନେତା ବିଜୟ ରଞ୍ଜନ ସିଂହ ବରିହାଙ୍କ ଦେହାନ୍ତରେ ଗଭୀର ଶୋକବ୍ୟକ୍ତ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟାନାୟକ । ମୁଖ୍ୟମନ୍ତ୍ରୀ କହିଛନ୍ତି ବିଜୟଙ୍କ ଦେହାନ୍ତ ସମ୍ବନ୍ଧରେ ଖବର ଜାଣି ମୁଁ ଦୁଃଖିତ। ଲୋକଙ୍କ କଲ୍ୟାଣ ପାଇଁ ଜନପ୍ରତିନିଧି ଭାବେ ସେ କରିଯାଇଥିବା କାର୍ଯ୍ୟ ସର୍ବଦା ସ୍ମରଣୀୟ ରହିବ।
ସେହିପରି ବରିହାଙ୍କ ପରିବାର ବର୍ଗକୁ ସମବେଦନା ଜଣାଇବା ସହ କହିଛନ୍ତି ଏପରି ଦୁଃଖଦ ସମୟରେ ଶୋକସନ୍ତପ୍ତ ପରିବାର ସଦସ୍ୟଙ୍କ ପ୍ରତି ସମବେଦନା ଜଣାଉଛି । ସ୍ୱର୍ଗତ ବିଜୟ ରଞ୍ଜନ ସିଂ ବରିହାଙ୍କ ଅମର ଆତ୍ମାର ସଦଗତି କାମନା କରିଛନ୍ତି ମୁଖ୍ୟମନ୍ତ୍ରୀ ।
ରାଜ୍ୟର ଅନେକସ ତୁଙ୍ଗ ରାଜମେତା ମଧ୍ୟ ଶ୍ରଦ୍ଧାଞ୍ଜଳି ଜଣାଇଛନ୍ତି । ଦେହ ଅସୁସ୍ଥ ଥିବାରୁ ଏକ ଘରୋଇ ମେଡିକାଲରେ ଚିକିତ୍ସିତ ହେଉଥିଲେ ପଦ୍ମପୁର ବିଧାୟକ । ଗତ କାଲି ବିଳମ୍ବିତ ରାତିରେ ତାଙ୍କର ଦେହାନ୍ତ ଘଟିଛି । ଆଜି ଏହି ଖବର ପ୍ରତାରିତ ହେବା ମାତ୍ରେ ତାଙ୍କ ଶୁଭେଛୁ ଭାଙ୍ଗି ପଡିଥିଲେ । ଛାତ୍ର ଅବସ୍ଥାରୁ ନେତୃତ୍ୱର ପରକାଷ୍ଠା ଦେଖାଇଥିବା ବିଜୟ ଜଣେ ଦରଦୀ ମଣିଷ ରହିଥିଲେ ।
ଆଜି ରାଜ୍ୟର ଅନେକ ରାଜନେତା ବିଧାନସଭାରେ ତାଙ୍କ ପାର୍ଥିବ ଶରୀରରେ ଶ୍ରଦ୍ଧା ସୁମନ ଜଣାଇବା ସହ ତାଙ୍କ ମର ଶରୀରକୁ ବିଜେଡି ରାଜ୍ୟ କାର୍ଯ୍ୟାଳୟକୁ ନେଇଥିଲେ । ସେଠାରେ ମଧ୍ୟ ଦଳର ବରିଷ୍ଠ ନେତୃତ୍ୱ ଶ୍ରଦ୍ଧାଞ୍ଜଳି ଜଣାଇଥିଲେ ।
