ମୁଖ୍ୟମନ୍ତ୍ରୀ ଦେଲେ ଗୁରୁମନ୍ତ୍ର ; ଆସ ନୂଆ ଓ ସଶକ୍ତ ଓଡ଼ିଶା ଗଢିବା

ଭୁବନେଶ୍ବର : ଜିଲ୍ଲାପାଳ ସମ୍ମିଳନୀରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଗୁରୁମନ୍ତ୍ର । ନୂଆ ଏବଂ ସଶକ୍ତ ଓଡ଼ିଶା ଗଠନ ଦିଗରେ ମିଳିମିଶି କାମ କରିବାକୁ ମୁଖ୍ୟମନ୍ତ୍ରୀ ଆହ୍ବାନ ଦେଇଛନ୍ତି । ଗ୍ରାଉଣ୍ଡରେ ଲୋକଙ୍କ ପାଖକୁ ଯାଇ ସେମାନଙ୍କ ସମସ୍ୟା ବିନା ବାଧାରେ ଓ କମ୍ ସମୟରେ ସମାଧାନ କରିବାକୁ ଜିଲ୍ଲାପାଳମାନକୁ କହିଛନ୍ତି ମୁଖ୍ୟମନ୍ତ୍ରୀ ।

ରାଜ୍ୟରେ ରୂପାନ୍ତରଣ କାର୍ଯ୍ୟକ୍ରମ ଏକ ଯୁଗାନ୍ତକାରୀ ପଦକ୍ଷେପ । ରୂପାନ୍ତରଣରେ ଫାଇଭ T ଓ ମୋ ସରକାର ବଳିଷ୍ଠ ପଦକ୍ଷେପ ନେଇଛି । ବଳକା ଖାଦ୍ୟ ରାଜ୍ୟ ଭାବରେ ଓଡ଼ିଶା ଦେଶରେ ଆଗୁଆ । ଗ୍ରାମାଞ୍ଚଳରେ କୃଷିକ୍ଷେତ୍ରରେ ଅଧିକ ନିଯୁକ୍ତି ସୁଯୋଗ ସୃଷ୍ଟି ହୋଇଛି । ମିଲେଟ୍ ମିଶନ ଦେଶରେ ସୃଷ୍ଟି କରିଛି ଉଦାହାରଣ । ପୁଷ୍ଟିକର ଖାଦ୍ୟର ଚାହିଦାକୁ ପୂରଣ କରିଛି ମିଲେଟ୍ ମିଶନ । ଗ୍ରାମାଞ୍ଚଳ ଅର୍ଥ ବ୍ୟବସ୍ଥାକୁ ମିଲେଟ୍ ମିଶନ ସୁଦୃଢ଼ କରିଛି ।

ରାଜ୍ୟ ଅର୍ଥନୀତିରେ ଗୁରୁତ୍ବପୂର୍ଣ୍ଣ ଭୂମିକା ତୁଲାଇଛି ଷ୍ଟାର୍ଟଅପ୍ । ଷ୍ଟାର୍ଟଅପ୍ ପାଇଁ ଓ ହବ୍ ସହାୟକ ହେବ । ଖୁବଶୀଘ୍ର ଦେଶର ଟପ୍ ଥ୍ରୀ ଷ୍ଟାର୍ଟଅପ୍ ଡେଷ୍ଟିନେସନରେ ରହିବ ଓଡ଼ିଶାର ନାଁ । ଷ୍ଟାର୍ଟଅପ ପାଇଁ ଓଡ଼ିଶାକୁ ବାଛିବେ ଯୁବପିଢ଼ି ।ରାଜ୍ୟର ସବୁ ପଦକ୍ଷେପ ଭିତରେ ମହିଳା ସଶକ୍ତିକରଣ ହେଉଛି ସବୁଠୁ ବଡ଼ ପ୍ରସଙ୍ଗ ।

ମିଶନଶକ୍ତି ଗ୍ରୁପକୁ କ୍ଷୁଦ୍ର ଓ ମଧ୍ୟମ ଉଦ୍ୟଗରେ ପରିଣତ କରାଯାଉଛି । ଏସଏଚଜିଙ୍କୁ ଆହୁରି ମଜଭୁତ ତଥା ସୁନ୍ଦର ଭାବେ ଗଢ଼ିତୋଳିବାକୁ ସରକାର ସହାୟତା କରୁଛନ୍ତି । ବିନା ସୁଧରେ ୫ଲକ୍ଷ ଟଙ୍କା ପର୍ଯ୍ୟନ୍ତ ଋଣ ପ୍ରଦାନ କରାଯାଉଛି । ଆଗାମୀ ୫ ବର୍ଷରେ ମିଶନ ଶକ୍ତି ଗ୍ରୁପଙ୍କୁ ୫୦ ହଜାର କୋଟି ଟଙ୍କା ଋଣ ସହାୟତା ଦେବାକୁ ରାଜ୍ୟ ସରକାର ଲକ୍ଷ୍ୟ ରଖିଛନ୍ତି । ମିଶନଶକ୍ତି ଗ୍ରୁପଙ୍କୁ ସବୁ ଜିଲ୍ଲାର ଜିଲ୍ଲାପାଳଙ୍କୁ ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେଇଛନ୍ତି ।

କୋରାପୁଟର ମିଶନଶକ୍ତି ଇଣ୍ଡଷ୍ଟ୍ରିଆଲ ପାର୍କକୁ ପ୍ରଶଂସା କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ବିଜୁ ସ୍ବାସ୍ଥ୍ୟ କଲ୍ୟା ଣ ଯୋଜନା, ସ୍କୁଲ ରୂପାନ୍ତରିକରଣ, ପର୍ଯ୍ୟଟନର ପ୍ରଚାର, ଖେଳ କ୍ଷେତ୍ରକୁ ମଧ୍ୟ ସ୍ବତନ୍ତ୍ର ଦୃଷ୍ଟି ଦେବା ଆବଶ୍ୟକ ବୋଲି ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେଇଛନ୍ତି ।