ଆଦିବାସୀ ପରିବାରକୁ ଆର୍ଥିକ ସହାୟତା ଦେଲେ ମୁଖ୍ୟମନ୍ତ୍ରୀ, ଦୁର୍ଘଟଣାରେ ୩ଜଣଙ୍କ ଘଟିଥିଲା ମୃତ୍ୟୁ

ଭୁବନେଶ୍ୱର: ସଡ଼କ ଦୁର୍ଘଟଣାରେ ମୃତ 3 ଆଦିବାସୀ ପରିବାରକୁ ଆର୍ଥିକ ସହାୟତାର ହାତ ବଢ଼ାଇଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ପ୍ରତ୍ୟେକ ପରିବାରକୁ 50ହଜାର ଟଙ୍କା ପ୍ରଦାନ କଲେ ନବୀନ । ମନ୍ତ୍ରୀ ପଦ୍ମିନୀ ଦିଆନ ନିଜେ ପରିବାର ଲୋକଙ୍କୁ ପ୍ରଦାନ କଲେ ଏହି ଅର୍ଥ ରାଶି ।

ଗତ 21 ତାରିଖରେ ମାଲକାନଗିରି ଥାନା ଅନ୍ତର୍ଗତ ମୁଣ୍ଡାଗୁଡାରେ ଏକ ଟ୍ରକ ଓ ଟ୍ରାକ୍ଟର ମୁହାଁମୁହିଁ ହୋଇଥିଲା । ଏହି ଦୁର୍ଘଟଣାରେ ଡ୍ରାଇଭର ସମେତ ଦୁଇଜଣ ମଜୁରିଆ ମୃତ୍ୟୁବରଣ କରିଥିଲେ। ଏହି ସୂଚନା ପାଇବା ପରେ ମୃତ ଆଦିବାସୀ ପରିବାର ବର୍ଗଙ୍କୁ ଆର୍ଥିକ ସହାୟତା ପ୍ରଦାନ କରିଛନ୍ତି ମୁଖ୍ୟମନ୍ତ୍ରୀ।