ଆଚାର୍ଯ୍ୟ ହରିହର ଆଞ୍ଚଳିକ କର୍କଟ ରୋଗ ପ୍ରତିଷ୍ଠାନରେ ନୂତନ ଏମଆରଆଇ ଏବଂ ସିଟିସ୍କାନ ମେସିନ ଲୋକାର୍ପିତ

1 min read
CM Naveen Inaugurated MRI And CT Scan Machine In Acharya Harihar Regional Cancer Centre

କଟକ: ରାଜ୍ୟବାସୀଙ୍କ ସ୍ୱାସ୍ଥ୍ୟ ପ୍ରତି ସଦା ଯତ୍ନବାନ ରାଜ୍ୟ ସରକାର । ଏନେଇ ଧାରାବାହିକ ଭାବେ ଜାରି ରହିଛି ପ୍ରୟାସ । ଆଜି ଆଚାର୍ଯ୍ୟ ହରିହର ଆଞ୍ଚଳିକ କର୍କଟ ରୋଗ ପ୍ରତିଷ୍ଠାନ ପରିସରରେ ନୂତନ ଏମଆରଆଇ ଏବଂ ସିଟିସ୍କାନ ମେସିନ ଲୋକାର୍ପଣ ଉତ୍ସବ ଅବସରରେ ଏହା କହିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଭିସିରେ ଅନୁଷ୍ଠିତ ହୋଇଥିବା ଏହି ଉଦଘାଟନୀ କାର୍ଯ୍ୟକ୍ରମରେ ସ୍ୱାସ୍ଥ୍ୟମନ୍ତ୍ରୀ ନବ ଦାସ, ସ୍ୱାସ୍ଥ୍ୟ ସଚିବ ପ୍ରଦୀପ୍ତ ମହାପାତ୍ର, ସ୍ଥାନୀୟ ବିଧାୟକ ସୌଭିକ ବିଶ୍ୱାଳ ଉପସ୍ଥିତ ରହିଥିଲେ । କର୍କଟ ରୋଗରେ ପୀଡ଼ିତ ରୋଗୀଙ୍କ ରୋଗ ନିରୂପଣ ପାଇଁ ଏହି ଦୁଇଟି ମେସିନ୍ ଅତ୍ୟନ୍ତ ଜରୁରୀ । ରୋଗ ଶୀଘ୍ର ନିରୂପଣ ହେଲେ ରୋଗୀ ସମ୍ପୂର୍ଣ୍ଣ ଆରୋଗ୍ୟ ହେବାର ଯଥେଷ୍ଟ ସମ୍ଭାବନା ରହିଛି ।

CM Naveen Inaugurated MRI And CT Scan Machine In Acharya Harihar Regional Cancer Centre

ତେଣୁ କର୍କଟ ରୋଗର ପ୍ରତିଷ୍ଠାନରେ ଏହି ୨ଟି ମେସିନର ଆବଶ୍ୟକତା ବେଶ ଗୁରୁତ୍ୱପୂର୍ଣ୍ଣ । ଏହି ମେସିନ ସ୍ଥାପନ ଫଳରେ ଏବେ ଓଡ଼ିଶା ତଥା ପଡ଼ୋଶୀ ରାଜ୍ୟର କର୍କଟ ରୋଗୀ ଉପକୃତ ହୋଇ ପାରିବେ । ତେବେ ନବୀନଙ୍କ ଶାସନ ସମୟରେ ମାଗଣା ଚିକତ୍ସା ସେବା ସବୁଦିନ ପାଇଁ ଇତିହାସ ହୋଇ ରହିବ ବୋଲି ସ୍ଥାସ୍ଥ୍ୟ ମନ୍ତ୍ରୀ କହିଥିଲେ । ବିଗତ ୧୨ ବର୍ଷରେ ଏସସିବି ତଥା କ୍ୟାନସର ହସ୍ପିଟାଲର ଭିତ୍ତିଭୂମିର ବିକାଶ ପାଇଁ ମୁଖ୍ୟମନ୍ତ୍ରୀ ପ୍ରାୟ ୭୪୬ କୋଟି ଟଙ୍କା ଅନୁଦାନ ଦେଇଥିବା ସ୍ଥାନୀୟ ବିଧାୟକ ସୂଚନା ଦେଇଥିଲେ ।

Opn Commnet Area

Leave a Reply

Your email address will not be published. Required fields are marked *

Close Bitnami banner