ତାମିଲନାଡ଼ୁରୁ ଫେରିବେ ଓଡ଼ିଆ, ପାଲାନିସ୍ୱାମୀଙ୍କ ସହ ମୁଖ୍ୟମନ୍ତ୍ରୀଙ୍କ ଆଲୋଚନା
ଭୁବନେଶ୍ୱର: ପ୍ରବାସୀ ଓଡ଼ିଆଙ୍କୁ ଫେରାଇ ଆଣିବା ପାଇଁ ତାମିଲନାଡ଼ୁ ମୁଖ୍ୟମନ୍ତ୍ରୀ ଇ.କେ ପାଲାନିସ୍ୱାମୀଙ୍କ ସହ ଆଲୋଚନା କରିଛନ୍ତି ନବୀନ ପଟ୍ଟନାୟକ । ତାମିଲନାଡ଼ୁରେ ଥିବା ପ୍ରବାସୀ ଓଡ଼ିଆଙ୍କୁ ଓଡ଼ିଶା ଫେରାଇ ଆଣିବା ପାଇଁ ଭିଡିଓ କନ୍ଫରେନ୍ସିଂ ଜରିଆରେ ତାମିଲନାଡ଼ୁ ମୁଖ୍ୟମନ୍ତ୍ରୀଙ୍କ ସହ ବିଶେଷ ଆଲୋଚନା କରିଛନ୍ତି ମୁଖ୍ୟମନ୍ତ୍ରୀ ନବୀନ । ଏହି ଭିଡିଓ କନ୍ଫରେନ୍ସିଂରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ମଧ୍ୟ ସାମିଲ ଥିଲେ ।
ଲକ୍ଡାଉନ୍ ସମୟରେ ତାମିଲନାଡ଼ୁରେ ଫଶିଥିବା ପ୍ରବାସୀ ଓଡ଼ିଆଙ୍କ ଯତ୍ନ ନେଇଥିବାରୁ ପାଲାନିସ୍ୱାମୀଙ୍କୁ ଧନ୍ୟବାଦ ଦେଇଛନ୍ତି ନବୀନ । ଯେଉଁ ଓଡ଼ିଆମାନେ ଓଡ଼ିଶା ଫେରିବାକୁ ଚାହୁଛନ୍ତି ସେମାନଙ୍କୁ ଫେରିବା ପାଇଁ ସହଯୋଗ କରନ୍ତୁ ବୋଲି ପାଲାନିସ୍ୱାମୀଙ୍କୁ ନିବେଦନ କରିଛନ୍ତି ନବୀନ । ତେବେ ତାମିଲନାଡ଼ୁ ସରକାର ସମସ୍ତ ସହଯୋଗ ଯୋଗାଇଦେବେ ବୋଲି ନବୀନଙ୍କୁ ପ୍ରତିଶୃତି ଦେଇଛନ୍ତି ପାଲାନିସ୍ୱାମୀ ।
ସେହିଭଳି ଚେନ୍ନାଇର ଗୁରୁନାନକ କଲେଜରେ କରାଯାଇଥିବା ଶିବିରରେ ରହିଥିବା ଓଡ଼ିଆଙ୍କ ସହ ମୁଖ୍ୟମନ୍ତ୍ରୀ ଭିଡିଓ କନ୍ଫରେନ୍ସିଂ ଯୋଗେ କଥା ହୋଇଛନ୍ତି । ଏହାସହ ତାମିଲନାଡ଼ୁ ସରକାରଙ୍କୁ ଧନ୍ୟବାଦ ଜଣାଇଛନ୍ତି ।
