ପତାକା ଉତ୍ତୋଳନ କଲେ ମୁଖ୍ୟମନ୍ତ୍ରୀ: କହିଲେ ଆଜି ସମସ୍ତଙ୍କ ପାଇଁ ଗର୍ବ ଆଉ ଗୌରବର ଦିନ

ଭୁବନେଶ୍ୱର: ଆଜି ଦେଶ ପାଳୁଛି ସ୍ୱାଧୀନତାର ୭୬ତମ ସ୍ୱାଧୀନ ଦିବସ । ଦିଲ୍ଲୀର ଲାଲକିଲ୍ଲାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ପତାକା ଉତ୍ତୋଳନ କରିବା ପରେ ଦେଶର ବିଭିନ୍ନ ସ୍ଥାନରେ ପତାକା ଉତ୍ତୋଳନ କାର୍ଯ୍ୟକ୍ରମ ଆରମ୍ଭ ହୋଇଯାଇଛି । ଏହି କ୍ରମରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପତାକା ଉତ୍ତୋଳନ କରିଛନ୍ତି । ଭୁବନେଶ୍ବରର ପ୍ରଦର୍ଶନୀ ପଡିଆରେ ପତାକା ଉତ୍ତୋଳନ କରିଛନ୍ତି ମୁଖ୍ୟମନ୍ତ୍ରୀ ।

ପତାକା ଉତ୍ତୋଳନ ପରେ ପଞ୍ଜୁରୀ ଭିତରେ ଥିବା ପକ୍ଷୀଙ୍କୁ ମୁକ୍ତ କରାଯାଇଥିଲା । ସ୍ୱାଧୀନତାର ସଙ୍କେତ ଭାବରେ ଏହି ପକ୍ଷୀମାନଙ୍କୁ ସ୍ୱାଧୀନ କରାଯାଇଥିଲା । ନବୀନ ପଟ୍ଟନାୟକ ଏହି ଅବସରରେ ଓଡ଼ିଶାବାସୀଙ୍କୁ ସମ୍ବୋଧିତ କରିଥିଲେ । ଓଡ଼ିଶାର ମହାନ ସ୍ୱାଧୀନତା ସଂଗ୍ରାମୀଙ୍କୁ ମନେପକାଇ ତାଙ୍କୁ କୃତଜ୍ଞତା ଜଣାଇଥିଲେ । ଆଜିର ଦିନ ସମସ୍ତଙ୍କ ପାଇଁ ଗର୍ବ ଆଉ ଗୌରବର ଦିନ । ଏହି ୭୫ ବର୍ଷ ମଧ୍ୟରେ ଓଡ଼ିଆ ଅନେକ ମାଇଲଷ୍ଟୋନ ହାସଲ କରିଛି । ବିପର୍ଯ୍ୟୟ ମୁକାବିଲା ହେଉ ବା ନିଅଣ୍ଟିଆ ରାଜ୍ୟରୁ ଶସ୍ୟ ବହୁଳ ସବୁଥିରେ ଓଡ଼ିଶା ଅଗ୍ରଗତିରେ ଚାଲିଛି ।