ବାଲିଯାତ୍ରା ଆୟୋଜନରେ ଅବ୍ୟବସ୍ଥା, ରାଗି ଗଲେ ମୁଖ୍ୟମନ୍ତ୍ରୀ

କଟକ: ପଦାରେ ପଡ଼ିଲା ବିଶ୍ବ ପ୍ରସିଦ୍ଧ କଟକ ବାଲିଯାତ୍ରା ଆୟୋଜନର ଅବ୍ୟବସ୍ଥା । ଏହାକୁ ନେଇ ରାଗିଗଲେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ । ବାଲିଯାତ୍ରା ଉଦଘାଟନ କାର୍ଯ୍ୟକ୍ରମ ଅବସରରେ ଡଙ୍ଗାରେ ଆସି ଗଡ଼ଗଡ଼ିଆ ଘାଟରେ ପହଞ୍ଚିଥିଲେ ମୁଖ୍ୟମନ୍ତ୍ରୀ । ଏହାପରେ ତାଙ୍କୁ ଘାଟରେ ସାଧବ ବୋହୁ ଓ ସାଧବ ପୁଅ ମାନେ ବନ୍ଦାପନା କରିଥିଲେ ।

ଏହାପରେ ସେଠାରେ ମୁଖ୍ୟମନ୍ତ୍ରୀ ଡଙ୍ଗା ଭସାଇଥିଲେ । ପରେ ସେହି ଘାଟରୁ ମୁଖ୍ୟମନ୍ତ୍ରୀ ଇଲେକ୍ଟ୍ରିକ ଗାଡିରେ ପାଭିଲିୟନ ଯିବାର ଆୟୋଜନ ହୋଇଥିଲା । ତେବେ ନିମନ୍ତ୍ରିତ ଅତିଥିଙ୍କ ସଂଖ୍ଯା ବଢିଯାଇଥିବାରୁ ଇଲେକ୍ଟ୍ରିକ ଗାଡ଼ିରେ ଅତିଥିଙ୍କ ପାଇଁ ସ୍ଥାନ ନଥିଲା । ଏହାପରେ କାହିଁକି ଅତିଥିଙ୍କ ପାଇଁ ଗୋଟିଏ ଗାଡ଼ି କରାଯାଇଛି ବୋଲି ରାଗି କି ଉଠିକି ଗାଡିରୁ ଚାଲି ଯାଇଥିଲେ ମୁଖ୍ୟମନ୍ତ୍ରୀ । ଏହାପରେ ସେଠାରୁ ଚାଲି ଚାଲି ଆସି ପାଭିଲିୟନରେ ପହଞ୍ଚିଥିଲେ ।