ଉଚ୍ଚଶିକ୍ଷା ବିଭାଗ ଦ୍ୱାରା ନିଯୁକ୍ତି ପାଇଥିବା ନୂଆ ଅଧ୍ୟାପକ ଅଧ୍ୟାପିକାଙ୍କୁ ଆଜି ମୁଖ୍ୟମନ୍ତ୍ରୀ ନିଯୁକ୍ତିପତ୍ର ପ୍ରଦାନ କରିଛନ୍ତି। ନିଯୁକ୍ତି ପ୍ରକ୍ରିୟାରେ ମନୋନୀତ ହୋଇଥିବା ୮୩୩ ଅଧ୍ୟାପକ ଅଧ୍ୟାପିକାଙ୍କ ମଧ୍ୟରୁ ପ୍ରଥମ ପର୍ଯ୍ୟାୟରେ ଆଜି ୨୯୯ ଜଣଙ୍କୁ ସେମାନଙ୍କ ନିଯୁକ୍ତି ପତ୍ର ପ୍ରଦାନ କରାଯାଇଛି । ଅଧ୍ୟାପକ ନିଯୁକ୍ତି ପ୍ରକ୍ରିୟା ଆସନ୍ତା ନଭେମ୍ବର ମାସ ସୁଦ୍ଧା ଶେଷ ହେବ ବୋଲି ଜଣାଯାଇଛି। ମନୋନୀତ ଅଧ୍ୟାପକମାନଙ୍କୁ ବିଭିନ୍ନ ଏଡେଡ୍ କଲେଜରେ ନିଯୁକ୍ତି ଦିଆଯିବ ।
ଭୁବନେଶ୍ୱର ଜୟଦେବ ଭବନରେ ଏକ ବିଶେଷ ଉତ୍ସବରେ ଯୋଗ ଦେଇ ମୁଖ୍ୟମନ୍ତ୍ରୀ ଅଧ୍ୟାପକମାନଙ୍କୁ ଅଭିନନ୍ଦନ ଜଣାଇବା ସହ ସେମାନଙ୍କର ଉଜ୍ଜଳ ଭବିଷ୍ୟତ କାମନା କରିଥିଲେ ।
ଏହି ଅବସରେର ମୁଖ୍ୟମନ୍ତ୍ରୀ କହିଲେ ଅଧ୍ୟାପନା ଏକ ସମ୍ମାନଜନକ ବୃତ୍ତି । ଶିକ୍ଷକମାନେ ହିଁ ସୁସ୍ଥ ସମାଜର ଭିତ୍ତିଭୂମି ତିଆରି କରନ୍ତି ।
ଶିକ୍ଷାର ମାନ ବୃଦ୍ଧି ପାଇଁ ତାଙ୍କ ସରକାର ବିଭିନ୍ନ ପଦକ୍ଷେପ ଗ୍ରହଣ କରୁଛି ବୋଲି ଏହି ଅବସରରେ ସେ କହିଥିଲେ । ଉତ୍ସବରେ ଉଚ୍ଚଶିକ୍ଷା ମନ୍ତ୍ରୀ ଅରୁଣ ସାହୁ, ଉଚ୍ଚଶିକ୍ଷା ସଚିବ ଶାଶ୍ୱତ ମିଶ୍ର ପ୍ରମୁଖ ଉପସ୍ଥିତ ଥିଲେ ।
')}
