ବିଜେପୁରରେ ଚାଲିଛି ହାଇ ଭୋଲଟେଜ୍ ପ୍ରଚାର। ଆଜି ଦ୍ୱିତୀୟ ଦିନରେ ଦଳୀୟ ପ୍ରାର୍ଥୀ ରୀତା ସାହୁଙ୍କ ପାଇଁ ଜୋରଦାର ପ୍ରଚାର କରୁଛନ୍ତି ବିଜେଡି ସୁପ୍ରିମୋ ନବୀନ ପଟ୍ଟନାୟକ। ବରପାଲିରୁ ପାଟଲୁକୁଣ୍ଡା ପର୍ଯ୍ୟନ୍ତ ନିର୍ବାଚନୀ ଶୋଭାଯାତ୍ରାରେ ଯୋଗ ଦେଇଥିଲେ ମୁଖ୍ୟମନ୍ତ୍ରୀ । ବିଜୁ ଜନତା ଦଳକୁ ଗତ ସାଧାରଣ ନିର୍ବାଚନରେ ସମର୍ଥନ କରିଥିବାରୁ ସେ ସମସ୍ତଙ୍କୁ ଧନ୍ୟବାଦ ଦେବା ସହ ସ୍ଥାନୀୟ ଲୋକଙ୍କ ପାଇଁ ସରକାର ନେଇଥିବା ପଦକ୍ଷେପ ସମ୍ପର୍କରେ ଅବଗତ କରାଇଥିଲେ । ଗତକାଲି ବରପାଲି ଓ ବିଜେପୁରରେ ପ୍ରଚାର କରିବା ପରେ ବରଗଡ଼ର ପୂର୍ତ୍ତ ବିଭାଗ ଆଇବିରେ ରାତ୍ରୀଯାପନ କରିଥିଲେ ନବୀନ।
ଏହାପରେ ଆଜି ଗାଇସିଲଟ ତଳପାଲିରୁ ଦଳୀୟ ସୁପ୍ରିମୋ ପ୍ରଚାର ଆରମ୍ଭ କରିଛନ୍ତି। ବିକାଶର କାମୃକୁ ଆଗେଇ ନେବାକୁ ପ୍ରତିଶ୍ରୁତି ଦେଇଛନ୍ତି ନବୀନ। ୨ ଦିନରେ ନବୀନ ୪୫ଟି ସଭାରେ ଯ଼ୋଗଦେଇଛନ୍ତି। ରୋଡ୍ ସୋ ଓ ସଭା କରି ଲୋକଙ୍କୁ ବିକାଶର କଥା କହୁଛନ୍ତି।
ଅନ୍ତିମ ପର୍ଯ୍ୟାୟରେ କଂଗ୍ରେସ ଓ ବିଜେପି ମଧ୍ୟ ଜୋରଦାର ପ୍ରଚାର କରିଛନ୍ତି। ୨୦୧୮ ଉପନିର୍ବାଚନ ଓ ୨୦୧୯ ସାଧାରଣ ନିର୍ବାଚନରେ ବିଜେଡି ବିଜେପୁରରୁ ବେଶ୍ ଅଧିକ ଭୋଟ୍ରେ ବିଜୟୀ ହୋଇଥିଲା। ଦଳର ପୂର୍ବତନ ବିଧାୟିକା ରୀତା ସାହୁଙ୍କୁ ବିଜେଡି ପୁଣି ଏଥର ପ୍ରାର୍ଥୀ କରିଥିବା ବେଳେ ବିଜେପି ସନତ ଗଡ଼ତିଆଙ୍କୁ ମଇଦାନକୁ ଓହ୍ଲାଇଛି । ସେପଟେ ଦିଲ୍ଲୀପ ପଣ୍ଡାଙ୍କ ଉପରେ ଭରସା କରିଛି କଂଗ୍ରେସ। ')}
