ଜୟପୁରରେ ବିଧାୟକଙ୍କ ସହ ଗେହଲୋଟଙ୍କ ବୈଠକ: ଯାହର ଫୋନ୍ ବନ୍ଦ ଅଛି…

ଜୟପୁର: ରାଜସ୍ଥାନ ରାଜନୀତିରେ ହଟଚମଟ । ସରକାର ଭାଙ୍ଗବା ଉଦ୍ୟମ ଅଭିଯୋଗରେ ୨ ଜଣ ବିଜେପି ନେତା ଗିରଫ ହେବା ପରେ କଂଗ୍ରେସ କ୍ୟାମ୍ପରେ ଏବେ କମ୍ପନ । ମୁଖ୍ୟମନ୍ତ୍ରୀ ଅଶୋକ ଗେହଲୋଟ୍ ତାଙ୍କ ବାସଭବନରେ କଂଗ୍ରେସ ବିଧାୟକ ଏବଂ ମନ୍ତ୍ରୀମାନଙ୍କୁ ଜଣ ଜଣ କରି ଭେଟୁଛନ୍ତି । ସକାଳ ୧୦ଟାରୁ କଂଗ୍ରେସ ବିଧାୟକ ଓ ମନ୍ତ୍ରୀଙ୍କ ସହ ମୁଖ୍ୟମନ୍ତ୍ରୀଙ୍କ ସାକ୍ଷାତ ପ୍ରକ୍ରିୟା ଜାରି ରହିଛି । କଂଗ୍ରେସ ସରକାରଙ୍କ ସମସ୍ତ ମନ୍ତ୍ରୀ ଏବଂ ବିଧାୟକମାନଙ୍କୁ ନିଜ ନିର୍ବାଚନମଣ୍ଡଳୀ ଛାଡି ଜୟପୁରରେ ପହଞ୍ଚିବାକୁ କୁହାଯାଇଥିଲା । ଆଉ ଏହା ପରେ ମୁଖ୍ୟମନ୍ତ୍ରୀ ଅଶୋକ ଗେହଲୋଟଙ୍କୁ ଭେଟିବା ପାଇଁ ମୁଖ୍ୟମନ୍ତ୍ରୀଙ୍କ ବାସଭବନରେ ପହଞ୍ଚିଥିଲେ।

एसओजी को जो कांग्रेस विधायक दल ने बीजेपी नेताओं द्वारा खरीद-फरोख्त की शिकायत की थी उस संदर्भ में मुख्यमंत्री, उपमुख्यमंत्री, चीफ व्हिप एवम अन्य कुछ मंत्री व विधायकों को सामान्य बयान देने के लिए नोटिस आए हैं। कुछ मीडिया द्वारा उसको अलग ढंग से प्रस्तुत करना उचित नहीं है।

— Ashok Gehlot (@ashokgehlot51) July 12, 2020

ରାଜସ୍ଥାନ ପରିବହନ ମନ୍ତ୍ରୀ ପ୍ରତାପ ସିଂ ଖାଚାରିୱାସଙ୍କ ଅନୁଯାୟୀ, ବୈଠକରେ ମୁଖ୍ୟମନ୍ତ୍ରୀ ଗେହଲୋଟ୍ କହିଛନ୍ତି ଯେ, ଯଦି କୌଣସି ବିଧାୟକ କିମ୍ବା ମନ୍ତ୍ରୀଙ୍କ ମୋବାଇଲ୍‌ ବନ୍ଦ ଆସେ ତାଙ୍କ ସହ ଯୋଗାଯୋଗ ହୋଇନପାରିଲେ ଭୟଭୀତ ହୁଅନ୍ତୁନାହିଁ । ସିଧାସଳଖ ଯାଇ ତାଙ୍କ ସହ ଯୋଗାଯୋଗ କରନ୍ତୁ। ସରକାରଙ୍କୁ ବଞ୍ଚାଇବାର ଦାୟିତ୍ୱ ସମସ୍ତଙ୍କ ଉପରେ ।

ପ୍ରତାପ ସିଂହ ଖାଚାରିୱାସ କହିଛନ୍ତି, ‘ମୁଖ୍ୟମନ୍ତ୍ରୀ ଅଶୋକ ଗେହଲୋଟ୍ ଦିଲ୍ଲୀ ଯାଇଥିବା ବିଧାୟକଙ୍କ ସହ ଯୋଗାଯୋଗରେ ଅଛନ୍ତି। ସଚିନ ପାଇଲଟ ଆମର ରାଜ୍ୟ ସଭାପତି। ଯଦି କୌଣସି ବିଧାୟକ ତାଙ୍କ ସହ ଯାଇଛନ୍ତି, ଏହାର ଅର୍ଥ ନୁହେଁ ଯେ ଅଶୋକ ଗେହଲୋଟଙ୍କ ବିରୁଦ୍ଧରେ ଯାଇଛନ୍ତି। ସେମାନଙ୍କ ମଧ୍ୟରୁ ଅଧିକାଂଶଙ୍କ ସହ ମୁଖ୍ୟମନ୍ତ୍ରୀ ଯୋଗାଯୋଗ କରିଛନ୍ତି।

ପ୍ରତାପ ସିଂ ଖାଚାରିୱାସ କହିଛନ୍ତି ଯେ, ବିଜେପି କ୍ରମାଗତ ଭାବରେ ଟଙ୍କା ପ୍ରଲୋଭନ ଦେଖାଇ ଯୋଗାଯୋଗ କରିଆସୁଛି । କିନ୍ତୁ ସେମାନେ ସଫଳତା ପାଇନାହାଁନ୍ତି | ଏହି ସମୟରେ ରାଜସ୍ଥାନ ପୋଲିସର ସ୍ପେଶାଲ ଅପରେସନ୍ ଗ୍ରୁପ୍ ପକ୍ଷରୁ କଂଗ୍ରେସ ବିଧାୟକ, ସିଏମ୍, ଡେପୁଟି ସିଏମ୍‌ଙ୍କୁ ନୋଟିସ୍ ପଠାଇବା ଉପରେ ମୁଖ୍ୟମନ୍ତ୍ରୀ ଅଶୋକ ଗେହଲଟ୍ ସ୍ପଷ୍ଟୀକରଣ ଦେଇଛନ୍ତି।

ଅଶୋକ ଗେହଲୋଟ୍ ଟୁଇଟ୍ କରି କହିଛନ୍ତି, ‘କଂଗ୍ରେସ ବିଧାନସଭା ପାର୍ଟିର ବିଜେପି ନେତାଙ୍କ ଦ୍ୱାରା SOG କୁ ଘୋଡା କାରବାର ଅଭିଯୋଗରେ ମୁଖ୍ୟମନ୍ତ୍ରୀ, ଉପ-ମୁଖ୍ୟମନ୍ତ୍ରୀ, ମୁଖ୍ୟ ସଚେତକ ଏବଂ ଅନ୍ୟ କେତେକ ମନ୍ତ୍ରୀ ଏବଂ ବିଧାୟକମାନେ ସାଧାରଣ ବିବୃତ୍ତି ଦେବାକୁ ନୋଟିସ ପାଇଛନ୍ତି।