ମୁମ୍ବାଇ: ଜେଲରୁ ବାହାରିବା ପରେ ଦିଲ୍ଲୀ ମୁଖ୍ଯମନ୍ତ୍ରୀ ଅରବିନ୍ଦ କେଜରିୱାଲଙ୍କ ମେଗା ଶୋ। ମହାରାଷ୍ଟ୍ର ଭିବଣ୍ଡିରେ ଗର୍ଜନ କରିଛନ୍ତି କେଜରିୱାଲ। କହିଛନ୍ତି- ବିଜେପି କବଳରୁ ଦେଶକୁ ବଞ୍ଚାଇବାକୁ ପଡିବ। କେବଳ ତାଙ୍କୁ ନୁହେଁ, ଅନ୍ଯ ନେତାଙ୍କୁ ବି ଜେଲ ପଠାଇବାକୁ ଚକ୍ରାନ୍ତ ଚାଲିଛି। ଦିଲ୍ଲୀରେ ମହଲା କ୍ଲିନିକ ବନ୍ଦ କରିବାକୁ ଚକ୍ରାନ୍ତ ହୋଇଛି। ଏପରିକି ଜେଲରେ ତାଙ୍କୁ ମେଡିସିନ ଦିଆଗଲା ନାହିଁ।
ବାଂଲାଦେଶରେ ସମସ୍ତ ବିରୋଧୀ ନେତାଙ୍କୁ ଜେଲରେ ରଖାଯାଇଛି। ପାକିସ୍ତାନରେ ବି ସେହି ଅବସ୍ଥା। ବିଜେପି ସମସ୍ତ ଶକ୍ତି ପ୍ରୟୋଗ କରି ଶିବସେନା, ଏନସିପିକୁ ଭାଗ ଭାଗ କରିଦେଲେ। ସମ୍ବିଧାନକୁ ଧ୍ବଂସ କରିବା ଲାଗି ଯୋଜନା କରାଯାଉଛି ବୋଲି ସେ କହିଛନ୍ତି। ମହା ବିକାଶ ଅଘାଡି ସମାବେଶର ଇଣ୍ଡିଆ ମେଣ୍ଟର ସଦସ୍ଯ ଯୋଗ ଦେଇଥିବାବେଳେ ଏନସିପିର ଶରଦ ପାୱାର ସାମିଲ ହୋଇଥିଲେ।
