ଟ୍ରଲି ସାଇଟ କରିବାକୁ କହିବାରୁ ସଫେଇ କର୍ମୀଙ୍କୁ ନିସ୍ତୁକ ମାଡ

ଭଦ୍ରକ: ମହିଳା ସଫେଇ କର୍ମୀଙ୍କୁ ମାଡ଼ ମାରିଲେ ଟ୍ରଲି ବେପାରୀ ।  ସାଇଟ ହେବାକୁ କହିବାରୁ ମହିଳା ସଫେଇ କର୍ମୀଙ୍କୁ ନିସ୍ତୁକ ମାଡ଼ ମାରିଲେ ଟ୍ରଲି ବେପାରୀ । ସମସ୍ତ ସଫେଇ କର୍ମୀ ରାସ୍ତାରେ ବସିଥିବା ବେଳେ ଘଟଣାସ୍ଥଳରେ ଉତ୍ତେଜନା ଦେଖାଦେଇଛି ।

ଭଦ୍ରକ ସହରରେ ଅପର୍ତ୍ତିବିନ୍ଧା ଛକ ନିକଟରେ ସଫେଇ କର୍ମୀ ରାସ୍ତା ସଫା କରୁଥିଲେ । ଟ୍ରଲି ସାଇଟ କରିବା ପାଇଁ କହିବା ପରେ ଟ୍ରଲିରେ ବେପାର କରୁଥିବା କେତେକ ଟ୍ରଲି ବେପାରୀ ମହିଳା କର୍ମଚାରୀଙ୍କୁ ମାଡ଼ ମାରିଥିଲେ । ପରେ ସ୍ଥାନୀୟ ଲୋକେ ଏକାଠି ହୋଇ ରାସ୍ତା ରୋକ କରିଥିଲେ । ଉତ୍ତେଜନାକୁ ଦେଖି ପୋଲିସ ଲାଠି ଚାର୍ଜ କରିଛି । ଅପର୍ତ୍ତିବିନ୍ଧା ଛକରେ ପୋଲିସ ଫ୍ଲାଗମାର୍ଚ୍ଚ କରିଛି । ଉତ୍ତେଜନାକୁ ନଜରରେ ରଖି ଦୋକାନ ବଜାର ବନ୍ଦ କରିବା ସହ ବ୍ୟାପକ ପୋଲିସ ମୁତୟନ ହୋଇଛନ୍ତି । ଘଟଣାସ୍ଥଳରେ ଉପଜିଲ୍ଲାପାଳଙ୍କ ସହ ତହସିଲଦାର ପହଞ୍ଚିଛନ୍ତି ।