ଉଦ୍ଭାବନ ହେଲା ସ୍ୱଚ୍ଛତା ସୁବିଧା ବ୍ରଶ୍

ଆବିଷ୍କାର ଓ ଉଦ୍ଭାବନ ପାଇଁ ବୟସ ନଥାଏ  । ଏ କଥା ପୁଣିଥରେ ପ୍ରମାଣିତ ହୋଇଛି  । ୧୨ ବର୍ଷର କୁନିପିଲା ବୋଧିସତ୍ୱ ସ୍ୱଚ୍ଛତା ପାଇଁ ଏକ ବ୍ରଶ୍ ଥିବା ଜୋତା ବନାଇଛି  । ଯାହା ପାଇଁ ତାକୁ ଖର୍ଚ୍ଚ କରିବାକୁ ପଡ଼ିଛି ମାତ୍ର ୩୫ ଟଙ୍କା  । ଏ ଜୋତାର ନା ସେ ସ୍ୱଚ୍ଛତା ସୁବିଧା ବ୍ରଶ ରଖିଛି  ।

ବୋଧିସତ୍ୱର ଘର ମହାରାଷ୍ଟ୍ର  । ୬ ବର୍ଷ ବୟସରୁ ହିଁ ସେ ଇକୋ ଓ୍ବାରିୟର ହିସାବରେ ନିରନ୍ତର ପ୍ରଚେଷ୍ଟା ଜାରି ରଖିଛି, ଯେଉଁଥି ପାଇଁ ଅନେକ ପ୍ରଶଂସିତ ମଧ୍ୟ ହୋଇଛି  । କିଛି ନୂଆ କରିବା, ପରିବେଶକୁ ସୁରକ୍ଷା ଯୋଗାଇବା, ଜଳବାୟୁ ପ୍ରତି ଯତ୍ନବାନ ହେବା ଏମିତି ଅନେକ ଭଲ ଭାବନା ସହିତ ସେ ଆଗକୁ ବଢି ଚାଲିଛି  । ନିଜ ମାଙ୍କୁ ସ୍ପଣ୍ଡିଲାଇଟିସରେ ପୀଡ଼ିତ ଥିବା ଦେଖି ସେ ଏମିତି ଏକ ଜୋତା ତିଆରି କରିବା କଥା ଚିନ୍ତା କଲା  । ଯେଉଁଥିରେ ତଳେ ବସି ବା ନଇଁପଡ଼ି ବାଥରୁମ ବା ଫ୍ଲୋର ସଫା କରିବାକୁ ପଡ଼ିବନି  । ଠିଆ ହୋଇ ଆରାମରେ ଫ୍ଳୋର ସଫା କରିହେବ, ଯାହାଦ୍ୱାରା ଅଣ୍ଟା ଯନ୍ତ୍ରଣାରୁ ମଧ୍ୟ ମୁକ୍ତି ମିଳିବ  । ଏ ସୁନ୍ଦର ଉଦ୍ଭାବନରେ ବୋଧିସତ୍ୱଙ୍କ ମା ଅମୃତା ମଧ୍ୟ ଚକିତ ଓ ଆନନ୍ଦିତ ହୋଇଛନ୍ତି  । ')}