ରାଜଧାନୀରେ ଶିକ୍ଷାର ବିକଳ ଚିତ୍ର: ଶିକ୍ଷକ ଅଭାବରୁ ଶ୍ରେଣୀଗୃହରେ ପଡ଼ିଲା ତାଲା, ବାରଣ୍ଡାରେ ବସି ପାଠ ପଢ଼ିଲେ ପିଲା

ଭୁବନେଶ୍ବର: ଉପାନ୍ତ ନୁହେଁ ଭୁବନେଶ୍ୱରରେ ସ୍କୁଲରେ ତାଲା। ଶିକ୍ଷକ ଅଭାଵରୁ ପଡିଲା ତାଲ। ବାରଣ୍ଡାରେ ବସି ନିଜେ ପଡିଲେ ପାଠ।ମଞ୍ଚେଶ୍ୱର ରେଲୱେ କଲୋନୀ ସରକାରୀ ସହବନ୍ଧିତ ସ୍କୁଲ ବାରଣ୍ଡାରେ ପିଲା ପାଢ ପଢୁଛନ୍ତି।ପ୍ରଧାନ ଶିକ୍ଷକ ତାଲା ପକାଇଥିବା ଅଭିଯୋଗ। ଷଷ୍ଠ ଓ ସପ୍ତମ ଶ୍ରେଣୀ ଗୃହରେ ତାଲା ପଡିଛି। ମଧ୍ୟାହ୍ନ ଭୋଜନ ମଧ୍ୟ ବନ୍ଦ ରହିଛି। ଶିକ୍ଷକ ଅଭାବ ଆଳରେ ଦୋଷକୁ ଲୁଚାଇବାକୁ କ୍ଲାସରୁମରେ ତାଲା ପଡିଛି। ସ୍କୁଲରେ ତାଲାକୁ ନେଇ ଅଭିଭାବକ ମହଲରେ ଅସନ୍ତୋଷ ଦେଖିବାକୁ ମିଳିଛି।ସରକାର ସଭିଏଁ ପଢ଼ିବେ ନାରା ଦେଉଥିବାବେଳେ ରାଜଧାନୀରେ ଶିକ୍ଷା ବ୍ୟବସ୍ଥାର ଏ ଦୟନୀୟ ଚିତ୍ର।

ଏପଟେ ପ୍ରବେଶ ଓ ଖଡ଼ିଛୁଆଁ ଉତ୍ସବ ପାଳନ କରୁଥିବା ବେଳେ ଅନ୍ୟପଟେ ୧୩୦ ପିଲାଙ୍କ ପାଠରେ ପଡିଲା ଡୋରି। ୫୦୦ରୁ ଅଧିକ ଛାତ୍ରଛାତ୍ରୀ ଏହି ବିଦ୍ୟାଳୟରେ ପଢ଼ୁଥିବା ବେଳେ କେବଳ ଷଷ୍ଠ ଓ ସପ୍ତମ ଶ୍ରେଣୀରେ ୧୩୦ ଛାତ୍ରଛାତ୍ରୀ ପଢ଼ୁଛନ୍ତି। ବିଦ୍ୟାଳୟ କର୍ତ୍ତୃପକ୍ଷ ବିନା କୌଣସି ନୋଟିସରେ ଏଭଳି ନିଷ୍ପତ୍ତି ନେଇଥିବା ଅଭିଯୋଗ କରିଛନ୍ତି ଅଭିଭାବକ। ଅନ୍ୟପକ୍ଷରେ ରେଲୱେ ପକ୍ଷରୁ ଜମି ଯୋଗାଇ ଦିଆଯାଇଛି। ବିଲ୍‌ଡିଂ ନିର୍ମାଣ ହୋଇଛି। ବିଦ୍ୟୁତ୍ ଓ ପାଣି ସଂଯୋଗ ଓ ବିଲ୍ ପୈଠ ବି ରେଲୱେ କରୁଛି। ତା’ ସତ୍ତ୍ବେ ମଧ୍ୟ କାହା ସ୍ବାର୍ଥରେ ରେଲୱେ କଲୋନୀ ଉଚ୍ଚପ୍ରାଥମିକ ବିଦ୍ୟାଳୟକୁ ବନ୍ଦ କରାଯାଇଛି ଏହାକୁ ନେଇ ପ୍ରଶ୍ନ ଉଠିଛି।