ନର୍ଦ୍ଦମା ପାଣି ପାଇଁ ହତ୍ୟା !
ରାୟଗଡ଼ା: ନର୍ଦ୍ଦମା ପାଣି ଅଟକାଇବାକୁ ନେଇ ଯୁକ୍ତିତର୍କ ଓ ହତ୍ୟା ଅଭିଯୋଗ । ଘଟଣା ଘଟିଛି ରାୟଗଡ଼ା ସଦର ବ୍ଲକ କୁମ୍ଭିକୋଟା ହରିଜନ ସାହିରେ । ମୃତକ ଜଣଙ୍କ ହେଲେ ଅଜୟ କୋସଲା । ପୋଲିସ ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇବା ସହ ଘଟଣାର ତଦନ୍ତ ଆରମ୍ଭ କରିଛି ।
ଅଭିଯୋଗ ଅନୁସାରେ, ହରିଜନ ସାହିରେ ନର୍ଦ୍ଦମା ପାଣି ଅଟକାଇବାକୁ ନେଇ ଅଜୟ ଓ ଗୋରେଖା ଖୋରାଙ୍କ ମଧ୍ୟରେ ଯୁକ୍ତିତର୍କ ହୋଇଥିଲା । ଏହାକୁ ନେଇ ଉଭୟଙ୍କ ମଧ୍ୟରେ ହାତହାତି ପର୍ଯ୍ୟନ୍ତ କଥା ଯାଇଥିଲା । ଘଟଣା ସ୍ଥଳରେ ଅଜୟ ଅଚେତ ହୋଇଯାଇଥିଲେ । ତାଙ୍କୁ ତୁରନ୍ତ ସ୍ଥାନୀୟ ପ୍ରାଥମିକ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଘଟଣାକୁ ନେଇ ୪ ଜଣଙ୍କ ବିରୋଧରେ ମୃତ ଅଜୟଙ୍କ ପରିବାର ପକ୍ଷରୁ ଅଭିଯୋଗ କରାଯାଇଛି ।
