ପତାକା ବନ୍ଧାକୁ କେନ୍ଦ୍ର କରି ଗୋଷ୍ଠୀ ସଂଘର୍ଷ

ବାରଙ୍ଗ: ପତାକା ବାନ୍ଧିବାକୁ ନେଇ ଦୁଇ ଗୋଷ୍ଠୀ ମଧ୍ୟରେ ସଂଘର୍ଷ । ଗତକାଲି ରାତିରେ ବାରଙ୍ଗ ଥାନା ଅନ୍ତର୍ଗତ ନରଣପୁର ଗ୍ରାମ ନିକଟସ୍ଥ ଏଏଚପି ହାଉସିଂ କଲୋନୀରେ ଗୋଷ୍ଠୀ ସଂଘର୍ଷ ହୋଇଛି ।

ଏଏଚପି ହାଉସିଂ କଲୋନୀର ସମସ୍ତ ଘର ସାମ୍ନାରେ ପତାକା ଲଗାଇଥିଲେ କିଛି ଲୋକ  । ଯାହାକୁ କଲୋନୀ ଲୋକେ ବିରୋଧ କରିଥିଲେ । ତେବେ କ’ଣ ପାଇଁ ପତାକା ଲାଗିବନି ବୋଲି କହି ଗୋଟିଏ ଗୋଷ୍ଠୀ ଜୋରଜବରଦସ୍ତ ପତାକା ଲଗାଇବାକ ଚେଷ୍ଟା କରିଥିଲେ । ଯାହାକୁ ନେଇ ଦୁଇ ଗୋଷ୍ଠୀ ମଧ୍ୟରେ ପ୍ରଥମେ କଥା କଟାକଟି ଓ ପରେ ହାତାହାତୀ ପର୍ଯ୍ୟନ୍ତ କଥା ଯାଇଥିଲା । ପରେ ଘଟଣା ଉଗ୍ରରୂପ ନେବା ସହି ଗଣ୍ଡଗୋଳର ସୂତ୍ରପାତ ହୋଇଥିଲା ।

ଘଟଣାକୁ ନେଇ ଉଭୟ ପକ୍ଷ ବାରଙ୍ଗ ଥାନାରେ ଅଭିଯୋଗ କରିଛନ୍ତି । ଏତଲା ପରେ ପୋଲିସ ଏକ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି । ଆଇନଶୃଙ୍ଖଳାକୁ ଦୃଷ୍ଟିରେ ରଖି ଘଟଣା ସ୍ଥଳରେ ପୋଲିସ ମୁତୟନ ହୋଇଛି ।