ଚାଷୀଙ୍କୁ ହଟାଇବାକୁ ନୂଆ ପ୍ଳାନ୍: ଆନ୍ଦୋଳନରତ ଚାଷୀଙ୍କୁ ପଥର ମାଡ଼
ନୂଆଦିଲ୍ଲୀ: ସିଂଘୁ ସୀମାରେ ଉତ୍ତେଜନା। ଚାଷୀଙ୍କୁ ହଟାଇବାକୁ ନୂଆ ପ୍ଲାନ୍ । ଆନ୍ଦୋଳନରତ ଚାଷୀ ଓ ସ୍ଥାନୀୟ ଲୋକ ମୁହାଁମୁହିଁ । ଲାଠି ସହ ଟେକା ପଥର ମାଡ଼ କଲେ ଦିଲ୍ଲୀ ନରେଲା ବଓ୍ବାନାର ଲୋକେ । ପୋଲିସ ହାତରୁ ଲାଠି ଛଡ଼ାଇ ସେମାନେ ଚାଷୀଙ୍କୁ ମାଡ଼ । ଲୋକମାନଙ୍କୁ ଅଟକାଇବା ପାଇଁ ଲୁହ ବୁହା ଗ୍ୟାସ୍ ପ୍ରୟୋଗ କରିଛି ପୋଲିସ । ଲୋକମାନେ ଚାଷୀଙ୍କ ଟେଣ୍ଟ ଭାଙ୍ଗିବା ସହ ପଥର ମାଡ଼ କରିଛନ୍ତି । ଆନ୍ଦୋଳନସ୍ଥଳରୁ ଲୋକମାନଙ୍କୁ ହଟାଇବା ବେଳେ ପୋଲିସ ସହ ଧସ୍ତାଧସ୍ତି ହୋଇଥିଲା । ନରେଲା ବଓ୍ବାନାର ପ୍ରୟ ୨ଶହ ଲୋକ ଆନ୍ଦୋଳନସ୍ଥଳରେ ପହଞ୍ଚି ଚାଷୀଙ୍କୁ ଆକ୍ରମଣ ।
ଏଥିସହିତ ପଢ଼ନ୍ତୁ: ଆତ୍ମହତ୍ୟା କରିବା ପାଇଁ ଧମକ ଦେଲେ କୃଷି ନେତା ରାକେଶ ଟିକାୟତ
ଆନ୍ଦୋଳନସ୍ଥଳରେ ମହାସଂଗ୍ରାମ ସ୍ଥିତି । ଚାଷୀଙ୍କୁ ତଡ଼ିବାକୁ ଚେଷ୍ଟା କରାଯିବା ବେଳେ ଜଣେ ଗୁରୁତର ହୋଇଛନ୍ତି । ଅନେକ ପୋଲିସ ଅଧିକାରୀ ଆହତ ହୋଇଥିବା ସୂଚନା । ତଲଓ୍ବାର ଆକ୍ରମଣରେ ଜଣେ ପୋଲିସ କର୍ମଚାରୀ ଗୁରୁତର ହୋଇଛନ୍ତି । କେତେଜଣ ପୋଲିସ କର୍ମଚାରୀ ଲହୁଲୁହାଣ ହୋଇଛନ୍ତି । ଆଜି ସକାଳୁ ଆନ୍ଦୋଳନସ୍ଥଳରେ ସୁରକ୍ଷା ବ୍ୟବସ୍ଥା ବଢ଼ାଇ ଦିଆଯାଇଥିବା ବେଳେ ଆନ୍ଦୋଳନସ୍ଥଳ ଚାରିପଟେ ବ୍ୟାରିକେଡ୍ କରାଯାଇଥିଲା । ହେଲେ ଏଭଳି ସ୍ଥିତି ଉପୁଜିଲା ସେ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି । ତେବେ ଏହି ହିଂସକ କାଣ୍ଡରେ ପୋଲିସର ସହଯୋଗ ରହିଥିବା ଚାଷୀମାନେ ଅଭିଯୋଗ କରିଛନ୍ତି । ଆନ୍ଦୋଳନ ହଟାଇବାକୁ ଏଭଳି ପ୍ଲାନ୍ କରାଯାଇଛି ବୋଲି କୁହାଯାଉଛି । ପୋଲିସ କର୍ମଚାରୀଙ୍କୁ ଖଣ୍ଡାରେ ଆକ୍ରମଣ କରିଥିବା ବ୍ୟକ୍ତିକୁ ପୋଲିସ ଗିରଫ କରିଛି ।
