ମସଜିଦ ସର୍ଭେକୁ ନେଇ ସମ୍ବଲରେ ଉତ୍ତେଜନା, ପୋଲିସ ଉପରକୁ ପଥର ମାଡ଼

ସମ୍ବଲ: ମସଜିଦ ସର୍ଭେକୁ ନେଇ ଉତ୍ତରପ୍ରଦେଶର ସମ୍ବଲରେ ଉତ୍ତେଜନା । ହଜାର ହଜାର ଲୋକଙ୍କ ନାରାବାଜି । ଉତ୍ତ୍ୟକ୍ତ ଲୋକଙ୍କୁ ନିୟନ୍ତ୍ରଣ କରିବାରେ ପୋଲିସ ନୟାନ୍ତ । ଏପରିକି ଉତ୍ତ୍ୟକ୍ତ ଲୋକେ ପୋଲିସ ଉପରକୁ ପଥର ମାଡ଼ ହୋଇଛି । ସ୍ଥିତି ଅଣାୟତ ହେଉଥିବା ଦେଖି ପୋଲିସ ଲୁହବୁହା ଗ୍ୟାସ ପ୍ରୟୋଗ କରିଛି ।

ସୂଚନାଯୋଗ୍ୟ,  ସମ୍ବଲରେ ପ୍ରତିଷ୍ଠିତ ଏକ ମସଜିଦକୁ ନେଇ କିଛି ଦିନ ଧରି ବିବାଦ ଚାଲିଛି । ସେଠାରେ ମୋଗଲ କାଳରେ ଏକ ମନ୍ଦିର ଭାଙ୍ଗି ସାହି ଜାମା ମସଜିଦ ନିର୍ମାଣ କରାଯାଇଥିବା ଅଭିଯୋଗ ପରେ ବିବାଦ ଉତ୍ତେଜନା ସ୍ଥିତି ଲାଗି ରହିଛି । ଆଜି ମସଜିଦର ସର୍ଭେ ଲାଗି ଆସିଥିବା ଏକ ଟିମକୁ ସ୍ଥାନୀୟ ଲୋକେ ବିରୋଧ କରିଥିଲେ । ସ୍ଥିତି ଏପରି ହୋଇଥିଲା ଯେ ଉତ୍ତ୍ୟକ୍ତ ଲୋକେ ପୋଲିସ ଉପରକୁ ପଥର ମାଡ଼ କରିଛନ୍ତି । ଘଟଣାସ୍ଥଳରେ ପୋଲିସ ମୁତୟନ କରାଯାଇଛି । ଲୋକଙ୍କୁ ଘଉଡାଇବା ଲାଗି ପୋଲିସ ଲୁହବୁହା ଗ୍ଯାସ ପ୍ରୟୋଗ କରିଛି । ଘଟଣାସ୍ଥଳରୁ ଲୋକଙ୍କୁ ଚାଲିଯିବାକୁ ମସଜିଦ ମୁଖ୍ଯ ଆହ୍ବାନ ଦେଇଥିଲେ ବି ସେଠାରୁ କେହି ହଟି ନାହାନ୍ତି ।

ମସଜିଦର ସର୍ଭେ ଲାଗି କୋର୍ଟଙ୍କ ନିର୍ଦ୍ଦେଶ ପରଠାରୁ ସେଠାରେ ଉତ୍ତେଜନା ଲାଗି ରହିଥିଲା । ସେପଟେ ହିଂସା ସତ୍ତ୍ବେ ଆଡଭୋକେଟ କମିଶନ ପକ୍ଷରୁ ସର୍ଭେ କାର୍ଯ୍ୟ ସମ୍ପୂର୍ଣ୍ଣ ହେବା ସହ ମସଜିଦର ଭିଡିଓଗ୍ରାଫି କରାଯାଇଛି ବୋଲି ସମ୍ବଲ ଜିଲ୍ଲା ମାଜିଷ୍ଟ୍ରଟ ରାଜେନ୍ଦର ପେନସିୟା କହିଛନ୍ତି ।

ଆସନ୍ତା ନଭେମ୍ବର ୨୯ରେ କୋର୍ଟ ନିକଟରେ ଏହି କମିଶନ ନିଜ ରିପୋର୍ଟ ଦାଖଲ କରିବ । ଗତ ନଭେମ୍ବର ୧୯ ତାରିଖରେ ସ୍ଥାନୀୟ ପୋଲିସ ଓ ଲୋକଙ୍କ ସହାୟତାରେ ମସଜିଦର ସର୍ଭେ କରାଯାଇଥିଲା । ସ୍ଥାନୀୟ ଲୋକଙ୍କ କହିବା ଅନୁସାରେ ୧୫୨୯ ଖ୍ରୀଷ୍ଟାବ୍ଦରେ ହରିହର ମନ୍ଦିରକୁ ଭାଙ୍ଗି ମୋଗଲ ସମ୍ରାଟ ଆକବର ସେଠାରେ ମସଜିଦ ନିର୍ମାଣ କରିଥିଲେ ।