ଟୋଲ୍ଗେଟ୍ରେ ଫାସ୍ ଟ୍ୟାଗକୁ ନେଇ ଗଣ୍ଡଗୋଳ
ଗଞ୍ଜାମ: ଗଞ୍ଜାମ ଜିଲ୍ଲା ଗୋରାପଲ୍ଲୀ ଟୋଲଗେଟରେ ଫାସ ଟ୍ୟାଗକୁ ନେଇ ଗଣ୍ଡଗୋଳ । ଗାଡ଼ିରେ ଫାସ୍ଟ୍ୟାଗ୍ ବ୍ୟବସ୍ଥା ନଥିବାରୁ ଦୁଇ ଗୁଣ ଟୋଲ୍ ଫି’ ମାଗିବାରୁ ଗଞ୍ଜାମ ଜିଲ୍ଲା ଖଲ୍ଲିକୋଟ୍ ଟୋଲଗେଟ୍ ନିକଟରେ ଗଣ୍ଡଗୋଳ ହୋଇଛି । ହାତାହାତି ହୋଇଛନ୍ତି ଟୋଲଗେଟ୍ କର୍ମଚାରୀ ଓ ଗାଡ଼ିରେ ବସିଥିବା ଲୋକ ।
ରବିବାର ବିଳମ୍ବିତ ରାତ୍ରରେ ବାଲୁଗାଁରୁ ବ୍ରଗହ୍ମପୁରକୁ ୬ଟି ଗାଡ଼ିରେ ବରଯାତ୍ରୀ ଯାଉଥିଲା । ଗାଡ଼ିରେ ଫାସ୍ଟ୍ୟାଗ୍ ନଥିବାରୁ ଖଲ୍ଲିକୋଟ ଗୁରାପଲ୍ଲୀ ଟୋଲଗେଟ୍ କର୍ମଚାରୀ ଜଣକ ଦୁଇ ଗୁଣ ଟୋଲ୍ ଫି’ ମାଗିଥିଲେ । ଏହା ପରେ ବସ୍ରେ ବସିଥିବା ଲୋକ ହଠାତ ଆସି କର୍ମଚାରୀଙ୍କ ସହ ପାଟିତୁଣ୍ଡ କରିବା ସହ ମାରପିଟ୍ କରିଥିଲେ । ମାରପିଟର ଭିଡିଓ ସିସିଟିଭିରେ କଏଦ ହୋଇଛି । ଏପରିକି ଟୋଲଗେଟର କିଛି କର୍ମଚାରୀ ମଧ୍ୟ ଆହତ ହୋଇଛନ୍ତି । ପରେ ଘଟଣାସ୍ଥଳକୁ ପୋଲିସ ପହଂଚିବା ପରେ ପରିସ୍ଥିତି ଶାନ୍ତ ପଡ଼ିଥିଲା ।
