କୃଷି ଆଇନ୍କୁ ବିରୋଧ କରି ରାଉରକେଲାରେ ଟ୍ରାକ୍ଟର ରାଲି
ସମ୍ବଲପୁର: ରାଉରକେଲାରେ ଟ୍ରାକ୍ଟର ରାଲି । କେନ୍ଦ୍ର ସରକାରଙ୍କ ନୂଆ କୃଷି ଆଇନକୁ ବିରୋଧ କରି ରାଉରକେଲାରେ ଆରମ୍ଭ ହୋଇଛି ଟ୍ରାକ୍ଟର ରାଲି । ସହରର ସିଟୁ ଶ୍ରମିକ ସଂଗଠନ ପ’ରୁ ଏହି ରାଲିର ଆୟୋଜନ କରଯାଇଛି । ରାଉରକେଲା ସହରର ପାନପୋଷ ମହାତ୍ମା ଗାନ୍ଧୀ ଛକଠାରୁ ଉଦିତନଗର ଆମ୍ବେଦକର ଛକ ପର୍ଯ୍ୟନ୍ତ ଶୋଭାଯାତ୍ରା କରାଯାଇଛି ।
ସିଟୁ ଶ୍ରମିକ ସଂଗଠନର ରାଷ୍ଟ୍ରୀୟ ଉପାଧ୍ୟକ୍ଷ ବିଷ୍ଣୁ ମହାନ୍ତିଙ୍କ ନେତୃତ୍ୱରେ ଅନୁଷ୍ଠିତ ଏହି ଶୋଭାଯାତ୍ରାରେ ଶତାଧିକ ଶ୍ରମିକ ଓ ଚାଷୀ ଅଂଶ ଗ୍ରହଣ କରିଥିଲେ । କେନ୍ଦ୍ର ସରକାର ଆଣିଥିବା କୃଷି ବିରୋଧୀ ତିନୋଟି କୃଷି ଆଇନ ପ୍ରତ୍ୟାହାର କରିବା, ୪ଟି ଲେବର କୋର୍ଡ ପ୍ରତ୍ୟାହାର କରିବା, ବିଦ୍ୟୁତ୍ ଵିଲ୍ ୨୦୨୦ ପ୍ରତ୍ୟାହାର କରିବା ଓ ରାଷ୍ଟ୍ରାୟତ ଉଦ୍ୟୋଗର ଘରୋଇ କରଣ ବନ୍ଦ କରିବା ଦାବିରେ ଏହି ଶୋଭାଯାତ୍ରା କରଯାଇଥିବା ନେତାମାନେ କହିଛନ୍ତି ।
ସେପଟେ ଆଜି ରାଜଧାନୀ ଦିଲ୍ଲୀରେ ମଧ୍ୟ ଟ୍ରାକ୍ଟର ରାଲି କରିଛନ୍ତି ଚାଷୀ । ପାଖା ପାଖି ୩୦ ହଜାରରୁ ଅଧିକ ଟ୍ରାକ୍ଟର ରାଲିରେ ସାମିଲ ହୋଇଛି । ଟ୍ରାକ୍ଟର ରାଲି ପାଇଁ ଭିନ୍ନ ଭିନ୍ନ ରୁଟ୍ ମ୍ୟାପ୍ ପ୍ରସ୍ତୁତ କରିଥିଲା ଦିଲ୍ଲୀ ପୋଲିସ ।
