ଆଜିଠୁ ଖୋଲିବ ମଲ୍ଟିପ୍ଲେକ୍ସ, ସିନେମା ହଲ୍, କରୋନା କଟକଣାରେ ଦେଖିବେ ଫିଲ୍ମ

ନୂଆଦିଲ୍ଲୀ: ଆଜିଠୁ ଦିଲ୍ଲୀରେ ଖୋଲିବ ମଲ୍ଟିପ୍ଲେକ୍ସ, ସିନେମା ହଲ୍। ୫୦ପ୍ରତିଶତ ଦର୍ଶକରେ ସିନେମା ହଲ୍ ଖୋଲିବାକୁ ଅନୁମତି ଦିଆଯାଇଛି। ଏହା ସହିତ ଶହେ ପ୍ରତିଶତ ସିଟିଂ କାପାସିଟିରେ ଚାଲିବ ମେଟ୍ରୋ। ହେଲେ ମେଟ୍ରୋରେ କୌଣସି ବ୍ୟକ୍ତି ଠିଆ ହୋଇ ଯାଇପାରିବେ ନାହିଁ। ଏନେଇ ଗାଇଡଲାଇନ ଜାରି କରିଛନ୍ତି ଦିଲ୍ଲୀ ସରକାର। ଡିଡିଏମଏ ପକ୍ଷରୁ ଜାରି ନୂଆ ଗାଇଡ ଲାଇନ ଅନୁସାରେ ଆଜିଠୁ ଶହେ ପ୍ରତିଶତ ବସିବା କ୍ଷମତାରେ ଚାଲିପାରିବ ଡିଟିଏସ୍ ବସ୍ ଓ ମେଟ୍ରୋ ଟ୍ରେନ୍।

ସେହିପରି ମଲ୍ଟିପ୍ଲେକ୍ସ, ସିନେମା ହଲ୍, ଥିଏଟର ୫୦ ପ୍ରତିଶତ ଦର୍ଶକରେ ଖୋଲିବାକୁ ଅନୁମତି ଦିଆଯାଇଛି। ସେହିପରି ବିବାହରେ ଶହେ ଓ ଅନ୍ତେଷ୍ଟି କର୍ମରେ ୫୦ ଲୋକ ଉପସ୍ଥିତ ରହିପାରିବେ। ସେହିପରି ସମସ୍ତ ଅଡିଟୋରିୟମ ମଧ୍ୟ ଖୋଲିପାରିବ। ହେଲେ ସ୍କୁଲ, କଲେଜ ଓ ଶିକ୍ଷାନୁଷ୍ଠାନଗୁଡ଼ିକ ପରବର୍ତ୍ତୀ ନିର୍ଦ୍ଦେଶ ପର୍ଯ୍ୟନ୍ତ ବନ୍ଦରହିବ। ରାଜନୈତିକ. ଧାର୍ମିକ ସଭା ବା କ୍ରୀଡ଼ା ପ୍ରତିଯୋଗିତା ଆୟୋଜନ ଉପରେ ପୂର୍ବଭଳି କଟକଣା ବଳବତ୍ତର ରହିବ।