ଭୁଶୁଡୁଛି ସିନେମା ଶିଳ୍ପ: ହଲ ଖୋଲୁଛି, ଦର୍ଶକ ନାହାଁନ୍ତି

1 min read

ଯାଜପୁର: ଚଳଚିତ୍ର ଜଗତରେ ସିନେମା ହଲର ରହିଛି ଗୁରୁତ୍ୱପୂର୍ଣ୍ଣ ଭୂମିକା । ପ୍ରେକ୍ଷାଳୟରେ ଫିଲ୍ମର ସଫଳତା ଓ ବିଫଳତାର ରିପୋର୍ଟ ମପାଯାଏ । ମନୋରଞ୍ଜନର ଆଉ ଏକ ମାଧ୍ୟମ ହେଉଛି ସିନେମା ହଲ । ମାତ୍ର ମହାମାରୀ କରୋନା ପାଇଁ ପ୍ରେକ୍ଷାଳୟ ସବୁ ନିରବୀ ଯାଇଛି । କିଛି ସ୍ଥାନରେ ତାଲା ମଧ୍ୟ ଝୁଲିବାକୁ ବସିଲାଣି । ସିନେମା ଶିଳ୍ପ ଉପରେ କରୋନା ବାଧକ ସାଜିଛି । ବଡ଼ ପରଦାରେ ସିନେମା ଏବେ ସ୍ୱପ୍ନ ପାଲଟିଛି ।  ୧୯୮୮ ମସିହାରୁ ଯାଜପୁର ଜିଲ୍ଲାର ଜାରକା  ଅଞ୍ଚଳରେ ମନୋରଞ୍ଜନର ଖୋରକ୍ ଯୋଗାଇ ଆସୁଥିବା ଲୋକନାଥ ଟକିଜ୍ ସମ୍ପୂର୍ଣ୍ଣ ରୂପେ ବନ୍ଦ ହୋଇଛି ।

ସେପଟେ ଯଦି ବା କୋଭିଡ଼ ସ୍ଥିତି ସୁଧୁରିବା ପରେ ଦର୍ଶକଙ୍କ ପ୍ରବେଶ ନେଇ ଅନୁମତି ମିଳିଛି, କିନ୍ତୁ ଏବେ ବି ହଲକୁ ଦର୍ଶକ ଆସୁ ନାହାଁନ୍ତି  । ତେଣୁ ହଲ ଚଳାଇବା ପାଇଁ ଆବଶ୍ୟକୀୟ ଅର୍ଥ ମଧ୍ୟ ମିଳିବା କଷ୍ଟସାଧ୍ୟ ହୋଇ ପଡ଼ିଛି  । ଯଦ୍ୱାରା ଘୋଡ଼ା ଛ ଟଙ୍କାଙ୍କୁ, ଦାନା ନଅ ଟଙ୍କା ନ୍ୟାୟରେ ହଲ ଚଳାଇବା ସ୍ଥିତି ଉପୁଜିଛି  । ତେବେ ମାଲିକମାନେ ହଲରେ ତାଲା ଝୁଲାଇଛନ୍ତି  ।

ଜିଲ୍ଲାରେ କେବଳ ଲୋକନାଥ ଟକିଜ୍ ନୁହେଁ, ଚଣ୍ଡିଖୋଲର ଚଣ୍ଡି ଟକିଜରେ ମଧ୍ୟ ସମାନ ଅବସ୍ଥା । ଦୀର୍ଘ ଦିନ ହେଲା ଏହି ହଲ ବନ୍ଦ ରହିଥିବାରୁ ବ୍ୟବସାୟିକ ସଂସ୍ଥାକୁ ଭଡ଼ା ଆକାରରେ ଲଗାଇବାକୁ ବାଧ୍ୟ ହେଉଛନ୍ତି ମାଲିକ । ସେପଟେ ସିନେମା ହଲ ସହିତ ଜଡିତ ଥିବା କର୍ମଚାରୀଙ୍କୁ ଘାରିଲାଣି ପରିବାର ପ୍ରତିପୋଷଣ ଚିନ୍ତା । ଜୀବିକା ବଞ୍ଚାଇବା କଷ୍ଟକର ହୋଇପଡିଥିବା ବେଳେ ସରକାରୀ ସହାୟତା ପାଇଁ ଦାବି କରିଛନ୍ତି ହଲ ମାଲିକ ଓ କର୍ମଚାରୀ ।

[DISPLAY_ULTIMATE_SOCIAL_ICONS]
Opn Commnet Area

Leave a Reply

Your email address will not be published.