ନଭେମ୍ବର ୧୬ ପର୍ଯ୍ୟନ୍ତ ବନ୍ଦ ରହିବ ସିନେମା ହଲ୍, ସୁଇମିଂ ପୁଲ୍ ଓ ମନୋରଞ୍ଜନ ସ୍ଥଳ
ଭୁବନେଶ୍ୱର: ରାଜ୍ୟରେ କରୋନା ସଂକ୍ରମଣ କମିଛି । ଏହାକୁ ଦୃଷ୍ଟିରେ ରଖି ରାଜ୍ୟ ସରକାର ଅନଲକ୍ 6.0 ଗାଇଡଲାଇନ ଜାରି କରିଛନ୍ତି । ଏଥିରେ ସ୍କୁଲ ଖୋଲିବା ସହ ବିଭିନ୍ନ କାର୍ଯ୍ୟକଳାପକୁ ଅନୁମତି ଦିଆଯାଇଛି । ଅନଲକ୍ 6.0 ଗାଇଡଲାଇନରେ ରହିଛି ସିନେପ୍ରେମୀଙ୍କ ପାଇଁ ଖୁସି ଖବର । ନଭେମ୍ବର ୧୬ ପରେ ଖୋଲିପାରେ ସିନେମା ହଲ୍ । ପୂର୍ବରୁ ଯଦିଓ, କେନ୍ଦ୍ରସରକାର ସିନେମା ହଲ୍ ଖୋଲିବା ନେଇ ଅନୁମତି ଦେଇଥିଲେ । କିନ୍ତୁ କେଉଁ ରାଜ୍ୟରେ ସିନେମା ଖୋଲିବ ସେ ନେଇ ରାଜ୍ୟ ସରକାର ନିଷ୍ପତ୍ତି ନେବେ ବୋଲି ସ୍ପଷ୍ଟ କରିଥିଲେ । ତେଣୁ ଶନିବାର ଦିନ ରାଜ୍ୟ ସରକାର ନଭେମ୍ବର ୧୬ ପର୍ଯ୍ୟନ୍ତ ସିନେମା ହଲ ବନ୍ଦ ରଖିବାକୁ ନିଷ୍ପତ୍ତି ନେଇଛନ୍ତି ।
ରାଜ୍ୟସରକାରଙ୍କ ଅନଲକ୍ 6.0 ଗାଇଡଲାଇନ ଅନୁସାରେ ନଭେମ୍ବର ୧୬ ପର୍ଯ୍ୟନ୍ତ ସିନେମା ହଲ୍, ସୁଇମିଂ ପଲ୍ ଓ ମନୋରଞ୍ଜନ ସ୍ଥଳ ବନ୍ଦ ରହିବ । ଏହାସହ ଦିର୍ଘ ୮ମାସ ପରେ ସିନେମା ହଲ୍ ଖୋଲିବ ବୋଲି ଆଶା ରଖିଛନ୍ତି ସିନେପ୍ରେମୀ । ସିନେମା ହଲ୍, ସୁଇମିଂ ପୁଲ୍ ଓ ମନୋରଞ୍ଜନ ସ୍ଥଳ ସହ ଅନଲକ୍ 6.0 ଗାଇଡଲାଇନରେ ସ୍କୁଲ ଖୋଲିବା ନେଇ ମଧ୍ୟ ନିଷ୍ପତ୍ତି ନିଆଯାଇଛି ।
ଏହାସହ ସ୍ଥାନୀୟ ପ୍ରଶାସନ, ଜିଲ୍ଲାପାଳ ଓ ମୁନିସିପାଲ କମିଶନର ଧର୍ମାନୁଷ୍ଠାନରେ ପୂଜାର୍ଚ୍ଚନା ନେଇ ନିଷ୍ପତ୍ତି ନେବେ । ବିବାହ ଉତ୍ସବରେ ୨୦୦ ଲୋକ ସାମିଲ ହୋଇପାରିବେ ବୋଲି ନୂଆ ଗାଇଡ୍ଲାଇନ୍ରେ ଉଲ୍ଲେଖ ରହିଛି । ସେହିପରି ଅନ୍ତେଷ୍ଟି କ୍ରିୟାରେ ୫୦ଲୋକ ସାମିଲ ପାଇଁ ଅନୁମତି ।
