ଅଣ୍ଡା, ମାଣ୍ଡିଆ ପରେ ଅଙ୍ଗନୱାଡ଼ିରେ ଚୂନାମାଛ ଖାଇବେ ଛୁଆ
ବାରିପଦା: ରାଜ୍ୟର ସମସ୍ତ ଅଙ୍ଗନୱାଡ଼ି କେନ୍ଦ୍ରରେ ଥିବା ୩ରୁ ୬ ବର୍ଷର ଶିଶୁଙ୍କୁ ମିଳିବ ଚୂନାମାଛ । ସରକାରଙ୍କ ନିଷ୍ପତ୍ତି ପରେ ଆଦିବାସୀ ଅଧ୍ୟୁଷିତ ମୟୂରଭଞ୍ଜ ଜିଲ୍ଲାରେ କାର୍ଯ୍ୟକାରୀ ହେବ ସରକାରଙ୍କ ପାଇଲଟ୍ ପ୍ରକଳ୍ପ । ଜିଲ୍ଲାର ମାଆ, ଶିଶୁ ଓ ଅଙ୍ଗନୱାଡ଼ି କର୍ମୀମାନେ ରାଜ୍ୟ ସରକାରଙ୍କ ପଦକ୍ଷେପକୁ ସ୍ୱାଗତ କରାଯାଇଛି ।
ପୁଷ୍ଟିକର ହେଉଛି ଅଙ୍ଗନୱାଡ଼ି ଶିଶୁଙ୍କ ମେନ୍ୟୁ । ଅଣ୍ଡା, ମାଣ୍ଡିଆ ପରେ ଶିଶୁଙ୍କୁ ଦିଆଯିବ ଚୂନାମାଛ । ମୟୂରଭଞ୍ଜରୁ କାର୍ଯ୍ୟକାରୀ ହେବ ପାଇଲଟ ପ୍ରକଳ୍ପ । ଜିଲ୍ଲାର ୫୦ କେନ୍ଦ୍ରରେ ଆରମ୍ଭ ହେବ ଯୋଜନା । ସରକାରଙ୍କ ନିଷ୍ପତ୍ତିକୁ ସବୁଠି ସ୍ୱାଗତ କରାଯାଇଛି । ପ୍ରଥମ ପର୍ଯ୍ୟାୟରେ ଏହା ସଫଳ ହେଲେ ପରେ ଅନ୍ୟ ଜିଲ୍ଲାମାନଙ୍କରେ ଲାଗୁ କରିବାକୁ ଲକ୍ଷ୍ୟ ରଖାଯାଇଛି । ଗତ ମଙ୍ଗଳବାର ଉନ୍ନୟନ କମିଶନର ତଥା ଅତିରିକ୍ତ ମୁଖ୍ୟ ଶାସନ ସଚିବଙ୍କ ଅଧ୍ୟକ୍ଷତା ବୈଠକରେ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନିଆଯାଇଥିଲା ।
ପୁଷ୍ଟିସାଧନ କ୍ଷେତ୍ରରେ ଓଡ଼ିଶାର ଉଲ୍ଲେଖନୀୟ ଅଗ୍ରଗତି ସମ୍ପର୍କରେ ଅନେକ ଜାତୀୟ ତଥା ଅନ୍ତର୍ଜାତୀୟ ଗବେଷଣା ପ୍ରତିଷ୍ଠାନର ସକାରାତ୍ମକ ରିପୋର୍ଟ ମିଳିଛି । ଜିଲ୍ଲାରେ ଆରମ୍ଭ ହେବାକୁ ଥିବା ଏହି ପାଇଲଟ ପ୍ରୋଜେକ୍ଟ ସରକାରଙ୍କ ଏକ ଯ଼ୁଗାନ୍ତକାରୀ ପଦକ୍ଷେପ ବୋଲି ସ୍ୱାସ୍ଥ୍ୟକର୍ମୀ କହିଛନ୍ତି ।
