ଦିନ ୧୧ଟାରେ ପ୍ରକାଶ ପାଇବ +୨ ପ୍ରଥମ ପର୍ଯ୍ୟାୟ ମେରିଟ୍ ଲିଷ୍ଟ

ଭୁବନେଶ୍ୱର: ଆଜି ପ୍ରକାଶ ପାଇବ ଯୁକ୍ତ ଦୁଇ ପ୍ରଥମ ମେରିଟ୍ ଲିଷ୍ଟ । ପୂର୍ବାହ୍ଣ ୧୧ଟାରେ ସାମସ୍ ୱେବସାଇଟରେ କଟ୍ ଅଫ୍ ମାର୍କ ଉପଲବ୍ଧ ହେବ । ଯୋଗ୍ୟ ବିବେଚିତ ଛାତ୍ରଛାତ୍ରୀମାନେ ସେପ୍ଟେମ୍ବର ୨୧ରୁ ୨୬ ତାରିଖ ଭିତରେ ନାମ ଲେଖାଇ ପାରିବେ । ଅକ୍ଟୋବର ୩ରେ ଦ୍ୱିତୀୟ ପର୍ଯ୍ୟାୟ ମେଧା ତାଲିକା ପ୍ରକାଶ ପାଇବ । ଏଥିରେ ଯୋଗ୍ୟ ବିବେଚିତ ଛାତ୍ରଛାତ୍ରୀମାନେ ୫ରୁ ୭ ତାରିଖ ଭିତରେ ନାମଲେଖା ହେବ । ପରେ ଅକ୍ଟୋବର ୧୫ରେ ସ୍ପଟ୍ ଆଡିମିଶନ ପାଇଁ ତାଲିକା ପ୍ରକାଶ ପାଇବ ।

୧୭ ତାରିଖ ସୁଦ୍ଧା ନାମଲେଖା ପ୍ରକ୍ରିୟା ଶେଷ ହେବ । ଚଳିତବର୍ଷ ରାଜ୍ୟର ୨ହଜାର ୨୮ଟି କଲେଜରେ ୪ ଲକ୍ଷ ୫୩ ହଜାର ୬୪୩ଟି ସିଟରେ ନାମଲେଖା ହେବ । ଏନେଇ ସମସ୍ତ ଯୁକ୍ତଦୁଇ କଲେଜକୁ ମାଧ୍ୟମିକ ଶିକ୍ଷା ନିର୍ଦ୍ଦେଶାଳୟ ପକ୍ଷରୁ ଗାଇଡଲାଇନ୍ ଜାରି କରାଯାଇଛି । ଗାଇଡଲାଇନରେ କୌଭିଡ୍ ନିୟମକୁ କଡ଼ାକଡ଼ି ପାଳନ କରିବାକୁ ନିର୍ଦ୍ଦେଶ ଦିଆଯାଇଛି ।