ଭୂତାଣୁର ଭୟ ମଧ୍ୟରେ ଫିକା ପଡ଼ିଛି ବଡ଼ଦିନ ପାଳନ: ଚର୍ଚ୍ଚ ନ ଆସି ଘରେ ପାଳୁଛନ୍ତି ଖ୍ରୀଷ୍ଟଧର୍ମାବଲମ୍ୱି

ଭୁବନେଶ୍ୱର: ଆଜି ବଡ ଦିନ । ଗତକାଲି ମଧ୍ୟରାତ୍ରୀରେ ଧରାପୃଷ୍ଠକୁ ଅବତରଣ କରିଛନ୍ତି ପ୍ରଭୁ ଯୀଶୁ। କରୋନା କଟକଣା ପାଇଁ ଚଳିତ ବର୍ଷ ଫିକା ପଡିଛି ବଡ଼ଦିନ । ଚର୍ଚ୍ଚରେ ନାହିଁ ଖଚାଖଚ୍ ଭିଡ଼ । କି ରାସ୍ତାଘାଟରେ ନାହିଁ ଗହଳି ।  କରୋନା ପାଇଁ ଏଥର ଚର୍ଚ୍ଚରେ ଏକାଠି ହେବେନି ଖ୍ରୀଷ୍ଟଧର୍ମାମ୍ବଲମ୍ବୀ  । ଘରେ ସାଜସଜ୍ଜା କରି ଉତ୍ସବ ପାଳନ କରୁଛନ୍ତି ଶ୍ରଦ୍ଧାଳୁ । ଘରେଘରେ ଶୋଭାପାଉଛି ଖ୍ରୀଷ୍ଟମସ ବୃକ୍ଷ  । କେକ୍ ପ୍ରସ୍ତୁତ ସହ  କ୍ରୀସ୍ ମାସ୍ ଟ୍ରି, ସାନ୍ତା କ୍ଲଜ, ଏବଂ ଅନ୍ୟାନ୍ୟ ସାମଗ୍ରୀରେ ଘରକୁ ସଜାଇଛନ୍ତି ଲୋକେ । ସୁସ୍ବାଦୁ କେକ୍ କାଟି ଉତ୍ସବ ମନାଉଛନ୍ତି ଲୋକେ  ।