ଭାରତର ଜାସୁସୀ କରୁଥିଲା ଚୀନର ଗୁଇନ୍ଦା ବେଲୁନ୍ !

ନୂଆଦିଲ୍ଲୀ: ଭାରତର ଜାସୁସୀ କରୁଥିଲା ଚୀନ । ଆମେରିକାରେ ଚୀନର ଗୁଇନ୍ଦା ବେଲୁନ ମିଳିବା ପରେ ଅନ୍ୟ ଦେଶରେ ବି ଚୀନର ଗୁଇନ୍ଦାଗିରିକୁ ନେଇ ରିପୋର୍ଟ ଦେଇଛି ଦ ଓ୍ବାଶିଂଟନ ପୋଷ୍ଟ । ଭାରତ, ଜାପାନ ଭଳି ଦେଶ ଉପରେ ଜାସୁସୀ ପାଇଁ ଚୀନ ଏଭଳି ହୀନ ପ୍ରୟାସ ଆରମ୍ଭ କରିଛି ବୋଲି ଦ ଓ୍ବାଶିଂଟନ ପୋଷ୍ଟ ନ୍ୟୁଜ୍ କରିଛି । ଆମେରିକା ଆକାଶରେ ଦୁଇ ଦିନ ଧରି ଘୂରି ବୁଲିଥିବା ବେଲୁନରେ ଭାରତ, ଜାପାନ, ଭିଏତନାମ, ତାଇଓ୍ବାନ, ଫିଲିପାଇନ୍ସ ସମେତ ଅନ୍ୟ କିଛି ଦେଶର ପ୍ରତିରକ୍ଷା ସମ୍ବଦ୍ଧିତ ତଥ୍ୟ ସଂଗ୍ରହ କରାଯାଇଛି ବୋଲି ଏହି ରିପୋର୍ଟରେ ଉଲ୍ଲେଖ ରହିଛି । ଚୀନର ପିପୁଲ୍ସ ଲିବରେସନ ଆର୍ମିର ବାୟୁ ସେନା ନିୟନ୍ତ୍ରଣର କାମ କରୁଥିବା ଏହି ବେଲୁନକୁ ୫ଟି ମହାଦ୍ବୀପରେ ଦେଖାଯାଇଥିଲା ବୋଲି କୁହାଯାଇଛି ।