ଲଦାଖରୁ ଚୀନ୍‌ ସୈନିକଙ୍କୁ ଗିରଫ କଲା ଭାରତୀୟ ସେନା, ମିଳିଲା ସେନା ସମ୍ବନ୍ଧିତ କାଗଜପତ୍ର

1 min read
India China Likely To See Breakthrough Military Standoff In Ladakh 8th Round Of Corps Commander Level Meeting

ନୂଆଦିଲ୍ଲୀ / ଲଦାଖ: ଗୋଟିଏ ପଟେ ଭାରତ ଓ ଚାଇନା ମଧ୍ୟରେ ଏଲ୍‌ଏସିରେ ତିକ୍ତତା ବଢ଼ୁଥିବା ବେଳେ ଅନ୍ୟପଟେ ଭାରତୀୟ ସୀମା ଭିତରୁ ଜଣେ ଚୀନ୍‌ ସୈନିକଙ୍କୁ ଗିରଫ କରାଯାଇଛି । ଯାହାକୁ ନେଇ ଏବେ ଚର୍ଚ୍ଚା ଜୋର ଧରିଛି । ଚୀନ୍‌ ସୈନିକ କାହିଁକି ଭାରତ ଭିତରେ ପ୍ରବେଶ କରିଥିଲେ ତାକୁ ନେଇ ପ୍ରଶ୍ନ ଉଠିଛି । ତେବେ ମଳିଥିବା ସୂଚନା ଅନୁସାରେ ଉକ୍ତ ଚୀନ୍‌ ସୈନିକ ରାସ୍ତା ଭୁଲି ଭାରତୀୟ ସୀମାରେ ପ୍ରବେଶ କରିଥିବା ଅନୁମାନ କରାଯାଉଛି । ତେଣୁ ତାଙ୍କୁ ଭାରତୀୟ ସେନା ନିଜ କଷ୍ଟଡିରେ ରଖିଛି । ପ୍ରୋଟୋକଲ ଅନୁଯାୟୀ ସମସ୍ତ ପ୍ରକ୍ରିୟା ଶେଷ ହେବା ପରେ ତାଙ୍କୁ ଚୀନ୍‌ ସେନାକୁ ହସ୍ତାନ୍ତର କରାଯିବ ବୋଲି କୁହାଯାଇଛି । ଲଦାଖର ଡେମ୍‌ଚୋକ୍‌ ଇଲାକାରୁ ଉକ୍ତ ଚୀନ୍‌ ସୈନିକଙ୍କୁ ଗିରଫ କରିଛି ଭାରତୀୟ ସେନା ।

China

ଭାରତୀୟ ସେନା ପକ୍ଷରୁ ମିଳିଥିବା ସୂଚନା ଅନୁଯାୟୀ, ଗିରଫ ହୋଇଥିବା ଚୀନ୍ ସୈନିକଙ୍କ ନାମ କର୍ପୋରଲ୍‌ ୱାଙ୍ଗ କିମ୍ବା ଲଙ୍ଗ । ତାଙ୍କୁ ଭାରତୀୟ ସେନା ପକ୍ଷରୁ ଥଣ୍ଡାରୁ ରକ୍ଷା ପାଇଁ ଚିକିତ୍ସା ସହାୟତା, ଖାଦ୍ୟ ଏବଂ ଉଷୁମ ପୋଷାକ ଯୋଗାଇ ଦିଆଯାଇଛି ।

China

ସୂତ୍ରରୁ ପ୍ରକାଶ ଯେ, ଚୀନ୍ ସେନାର ଷଷ୍ଠ ମୋଟରାଇଜଡ୍ ଇନ୍‌ଫେନ୍‌ଣ୍ଟ୍ରି ଡିଭିଜନର ଏହି ସୈନିକଙ୍କୁ ପଚରାଉଚରା କରାଯାଉଛି । ସେ କୌଣସି ଗୁପ୍ତମିଶନରେ ଭାରତରେ ପ୍ରବେଶ କରିଥିବା ନେଇ ସନ୍ଦେହ କରାଯାଉଛି । ତାଙ୍କ ନିକଟରୁ କିଛି ସେନାର ଦଲିଲ ଉଦ୍ଧାର କରାଯାଇଥିବା ଜଣାପଡ଼ିଛି ।

[DISPLAY_ULTIMATE_SOCIAL_ICONS]
Opn Commnet Area

Leave a Reply

Your email address will not be published.