ଡୋନାଲ୍ଡ ଟ୍ରମ୍ପଙ୍କ ଆଶୁ ଆରୋଗ୍ୟ କାମନା କଲେ ଜିନ୍ପିଙ୍ଗ୍
1 min read
ବେଜିଂ: କରୋନା ସଂକ୍ରମିତ ଥିବା ଯୁକ୍ତରାଷ୍ଟ୍ର ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଏବଂ ତାଙ୍କ ପତ୍ନୀ ତଥା ଫାଷ୍ଟ ଲେଡି ମାଲେନିଆ ଟ୍ରମ୍ପଙ୍କୁ ସମେବଦନା ବାର୍ତ୍ତା ପଠାଇଛନ୍ତି ଚୀନ ରାଷ୍ଟ୍ରପତି ଜିନପିଙ୍ଗ୍ । ଏଥିସହିତ ଟ୍ରମ୍ପ ଦମ୍ପତ୍ତିଙ୍କ ଆଶୁ ଆରୋଗ୍ୟ କାମନା କରିଛନ୍ତି ଜିନପିଙ୍ଗ୍ । ବାଣିଜ୍ୟ, ବୈଷୟିକ ଓ ନିରାପତ୍ତା ବିବାଦ, ହଂକଂ ଉପରେ ବେଜିଙ୍ଗ୍ର ନିୟନ୍ତ୍ରଣ କଠୋର ହେବା ଏବଂ ସିନ୍ଜିଆଙ୍ଗ୍ର ଉତ୍ତରପଶ୍ଚିମ ଅଞ୍ଚଳରେ ଚୀନା ମୁସଲମାନଙ୍କ ପ୍ରତି ଅତ୍ୟାଚାର ଅଭିଯୋଗ ପ୍ରସଙ୍ଗରେ ଚୀନ୍-ଯୁକ୍ତରାଷ୍ଟ୍ର ଆମେରିକା ସମ୍ପର୍କ ମୁହାଁମୁହିଁ ହୋଇଛନ୍ତି । ଏହା ସହିତ ଗତ ଡିସେମ୍ୱରରେ ଉହାନରୁ କରୋନା ଭାଇରସର ଠିକଠାକ୍ ମୁକାବିଲା ନକରି ଏହାକୁ ବିସ୍ତାର କରାଇଥିବା ଅଭିଯୋଗ କରିଥିଲା ଆମେରିକା । ଦୁଇ ରାଷ୍ଟ୍ର ମଧ୍ୟରେ ଏଭଳି ତିକ୍ତତା ଲାଗିରହିଥିବା ବେଳେ ଆମେରିକା ରାଷ୍ଟ୍ରପତିଙ୍କୁ ସମେବଦନା ଜଣାଇବା ସହ ଆଶୁ ଆରୋଗ୍ୟ କାମନା କରିଛନ୍ତି ଚୀନ ରାଷ୍ଟ୍ରପତି ।
କରୋନା ସଂକ୍ରମିତ ଟ୍ରମ୍ପଙ୍କ ସ୍ୱତନ୍ତ୍ର ଚିକିତ୍ସା: ସାଧାରଣ ଲୋକଙ୍କ ପାଇଁ ଉପଲବ୍ଧ ନଥିବା ଔଷଧ ଖାଉଛନ୍ତି
