ଜିନପିଙ୍ଗଙ୍କ ଲଢ଼ିବେ ଯୁଦ୍ଧ: ପ୍ରସ୍ତୁତ ରହିବାକୁ ସେନାକୁ ନିର୍ଦ୍ଦେଶ

ବେଜିଂ: ବଢ଼ିଲା ଚୀନ-ତାଇଓ୍ବାନ ସମ୍ଭାବ୍ୟ ଯୁଦ୍ଧର ଘନଘଟା । ତାଇଓ୍ବାନ ବିରୋଧରେ ପ୍ରସ୍ତୁତ ହେବା ଲାଗି ସେନାକୁ ନିର୍ଦ୍ଦେଶ ଦେଲେ ଚୀନ ରାଷ୍ଟ୍ରପତି ସି ଜିନପିଙ୍ଗ । ସେଣ୍ଟ୍ରାଲ ମିଲିଟାରୀ କମିଶନର ମିଳିତ ଅପରେସନସ କମାଣ୍ଡ ସେଣ୍ଟରକୁ ଗସ୍ତରେ ଯାଇ ସମ୍ଭାବ୍ୟ ଯୁଦ୍ଧ ଲାଗି ପ୍ରସ୍ତୁତ ରହିବାକୁ ସେନାକୁ ଦେଇଛନ୍ତି ନିର୍ଦ୍ଦେଶ । ତୃତୀୟ ଥର ପାଇଁ ରାଷ୍ଟ୍ରପତି ଭାବେ ନିର୍ବାଚିତ ହେବା ପରେ ନିଜର ପ୍ରଥମ ଗସ୍ତରେ ସୈନ୍ୟ ସଂଖ୍ୟା ବୃଦ୍ଧି, ପ୍ରଶିକ୍ଷଣ ଓ ଯୁଦ୍ଧ ପ୍ରସ୍ତୁତି ଲାଗି ସେନାକୁ ଦେଇଛନ୍ତି ନିର୍ଦ୍ଦେଶ ।

ସେ କହିଛନ୍ତି, ବର୍ତ୍ତମାନ ଚୀନର ଜାତୀୟ ନିରାପତ୍ତା ଅସ୍ଥିରତା ବଳୟକୁ ଯାଇଥିବା ସହ ଅନିଶ୍ଚୟତା ଆଡକୁ ଦେଶ ଗତି କରୁଛି । ଏଥିଲାଗି ସମ୍ପୂର୍ଣ୍ଣ ପ୍ରସ୍ତୁତ ରହିବାକୁ ଜିନପିଙ୍ଗ ସେନାକୁ କହିଛନ୍ତି ।

ସେପଟେ ତାଇଓ୍ବାନ ରାଷ୍ଟ୍ରପତି ସାଇ ଇଙ୍ଗ ଓ୍ବେନ କହିଛନ୍ତି, ଚୀନର ଆକ୍ରମଣ ନେଇ ମିଳିବାରେ ଲାଗି ସ୍ପଷ୍ଟ ସୂଚନା । ସମ୍ଭାବ୍ୟ ଆକ୍ରମଣ କ୍ଷେତ୍ରରେ ତାଇଓ୍ବାନକୁ ସମର୍ଥନ କରିବା ଲାଗି ପାଶ୍ଚାତ୍ୟ ରାଷ୍ଟ୍ରଙ୍କୁ ଆହ୍ବାନ ଦେଇଛନ୍ତି ସାଇ ।