ଚୀନ୍ ଫାର୍ମାସିଟ୍ୟୁକାଲ୍ କମ୍ପାନୀର ଦାବି: ୨୦୨୧ ବେଳକୁ ସାରା ବିଶ୍ୱକୁ ବିତରଣ ହୋଇପାରିବ କରୋନା ଟିକା

ନୂଆଦିଲ୍ଲୀ: କରୋନା ଟିକା ନେଇ ବିଶ୍ୱବ୍ୟାପୀ ରିସର୍ଚ୍ଚ ଚାଲିଥିବା ବେଳେ ୨୦୨୧ ପ୍ରଥମାର୍ଦ୍ଧରେ ଚୀନ ଟିକା ସାରା ବିଶ୍ୱରେ ବିତରଣ ହୋଇପାରିବ ବୋଲି ଚୀନ ପକ୍ଷରୁ କୁହାଯାଇଛି । ଏ ନେଇ ଚୀନର ଏକ ଫାର୍ମାସିଟ୍ୟୁକାଲ କମ୍ପାନୀ ପକ୍ଷରୁ ଦାବି କରାଯାଇଛି । କମ୍ପାନୀ ପକ୍ଷରୁ କୁହାଯାଇଛି ୨୦୨୧ ବେଳକୁ ଯୁକ୍ତରାଷ୍ଟ୍ର ଆମେରିକା ସମେତ ସାରା ବିଶ୍ୱରେ ଚୀନ ତିଆରି କରୋନା ଟିକାକୁ ସାରା ବିଶ୍ୱରେ ବିତରଣ କରାଯାଇପାରିବ ।

ଏଭଳି କି ସିନୋଭ୍ୟାକର ସିଇଓ ୟିନ୍ ଓ୍ୱିଡୋଙ୍ଗ ଆମେରିକାରେ କରୋନାଭ୍ୟାକ୍‌ (CORONA VAC) ବିକ୍ରୟ ପାଇଁ ଆମେରିକାର ଖାଦ୍ୟ ଏବଂ ଔେଷଧ ବିଭାଗରେ ଆବେଦନ କରିଛନ୍ତି । ଏବେ ଭ୍ୟାକ୍ସିନର ତୃତୀୟ ଏବଂ ଅନ୍ତିମ ପର୍ଯ୍ୟାୟ ପରୀକ୍ଷଣ ଚାଲିଛି ।  ୟିନ୍ ଆହୁରୀ କହିଛନ୍ତି ଯେ, ଆମର ପ୍ରାରମ୍ଭିକ ରଣନୀତି ଥିଲା ଯେ, ଆମେ ଚୀନ ଓ ଉହାନ୍ ପାଇଁ ଟିକା ପ୍ରସ୍ତୁତ କରିବୁ । ପରେ ଏଥିରେ ପରିବର୍ତ୍ତନ କରାଯାଇଥିଲା । ଏବଂ ସାରା ବିଶ୍ୱ ପାଇଁ କରୋନା ଭ୍ୟାକ୍ସିନ୍ ପ୍ରସ୍ତୁତ କରିବା ନେଇ ରଣନୀତି ପ୍ରସ୍ତୁତ ହୋଇଥିଲା ।

ସରକାରୀ ମାଲିକାନା ସିନୋ ଫାର୍ମ ସହିତ ଚାଇନାର ଶ୍ରେଷ୍ଠ ଚାରିଟି ଟିକା ବିକାଶକାରୀ କମ୍ପାନୀ ମଧ୍ୟରୁ ସିନୋଭ୍ୟାକ୍ ଅନ୍ୟତମ | ବ୍ରାଜିଲ, ତୁର୍କୀ ଏବଂ ଇଣ୍ଡୋନେସିଆରେ କରୋନାଭ୍ୟାକ୍ ର ପ୍ରାଥମିକ ପରୀକ୍ଷଣରେ ୨୪,୦୦୦ରୁ ଅଧିକ ଲୋକ ଅଂଶଗ୍ରହଣ କରୁଛନ୍ତି | ସିନୋଭ୍ୟାକ୍ କମ୍ପାନି ଟିକା ପରୀକ୍ଷା କରିବା ପାଇଁ ଅଧିକ ସଂକ୍ରମଣ , ବୃହତ୍ତ ଜନସଂଖ୍ୟା ଏବଂ ସୀମିତ ଗବେଷଣା ଏବଂ ବିକାଶ କ୍ଷମତା ବିଶିଷ୍ଟ ଦେଶମାନଙ୍କୁ ମନୋନୀତ କରିଛି |

ସୁନିଲ ଗାଭାସ୍କରଙ୍କ ଉପରେ ବର୍ଷିଲେ ଅନୁଷ୍କା, ସୋସିଆଲ ମିଡିଆରେ ପୋଷ୍ଟ କରି କହିଲେ ଏମିତି କଥା…