୨୦୨୧ ଆରମ୍ଭରୁ ଆସିବ କରୋନା ଭ୍ୟାକ୍ସିନ୍, ଦାବି କଲା ଏହି ଦେଶ

ନୂଆଦିଲ୍ଲୀ: ଦୁନିଆରେ କରୋନା ଭାଇରସ୍ ସଂକ୍ରମଣ ମାମଲା ବଢ଼ିବାରେ ଲାଗିଛି । ଏହାରି ଭିତରେ ଚୀନର ଏକ ଔଷଧ କମ୍ପାନୀ କହିଛି- କରୋନା ଭ୍ୟାକ୍ସିନ୍ ୨୦୨୧ ମଧ୍ୟରେ  ଆମେରିକା ସହିତ ପୂରା ଦୁନିଆରେ ବିତରଣ ପାଇଁ ପ୍ରସ୍ତୁତ ହୋଇଯିବ ।

SinoVac ସିଇଓ ୟିନ୍ ବେଇଦାଙ୍ଗ ଆମେରିକାରେ CoronaVac ବିକ୍ରି ପାଇଁ ଆମେରିକା ଖାଦ୍ୟ ଓ ଔଷଧ ବିଭାଗକୁ ଆବେଦନ ପତ୍ର ପଠାଇଛି । ଭ୍ୟାକ୍ସିନର ତୃତୀୟ ପର୍ଯ୍ୟାୟ କ୍ଲିନିକାଲ ଟ୍ରାଏଲ୍ ମଣିଷ ଉପରେ ଚାଲିଛି । ୟେନ କହିଛନ୍ତି- ସେ ନିଜେ ଏହି ଟିକାର ପରୀକ୍ଷଣ ନିଜ ଦେହରେ କରିଛନ୍ତି ।

ୟିନ୍ କହିଛନ୍ତି- ପ୍ରାଥମିକ ପର୍ଯ୍ୟାୟରେ ଚୀନ ଓ ବୁହାନ ପାଇଁ ଭ୍ୟାକ୍ସିନ୍ ତିଆରି କରିବା ଆମ ରଣନୀତି ଥିଲା । ଏହା ପରେ ଜୁନ୍ ଓ ଜୁଲାଇରେ ରଣନୀତି ପରିବର୍ତ୍ତନ କରିଥିଲୁ । ସାରା ଦୁନିଆ କରୋନା ଭାଇରସରେ ପୀଡ଼ିତ ଥିବାରୁ ବିଶ୍ୱବ୍ୟାପୀ ଭ୍ୟାକ୍ସିନ୍ ଦେବା ନେଇ ଆଲୋଚନା ହୋଇଥିଲା । ସୂଚନା ଯୋଗ୍ୟ- ଚୀନର ବୁହାନରୁ ହିଁ କରୋନା ଭାଇରସ୍ ସଂକ୍ରମଣ ଆରମ୍ଭ ହୋଇଥିଲା ।

ସେ କହିଛନ୍ତି- ଆମ ଲକ୍ଷ୍ୟ ଦୁନିଆକୁ ଭ୍ୟାକ୍ସିନ୍ ଦେବା । ଆମେରିକା, ୟୁରୋପୀୟ ସଂଘ  ଓ ଅନ୍ୟ ଦେଶକୁ ଭ୍ୟାକ୍ସିନ୍ ଦିଆଯିବ । ତେବେ, ଆମେରିକା, ୟୁରୋପୀୟ ସଂଘ, ଜାପାନ ଓ ଅଷ୍ଟ୍ରେଲିଆରେ ଲାଗୁ ହୋଇଥିବା କଡ଼ା ନିୟମ ଚୀନ ଟିକା ବିକ୍ରିକୁ ବନ୍ଦ କରିଦେଇଛି । ତେବେ ୟିନ୍ ଆଶା ପ୍ରକାଶ କରିଛନ୍ତି ନିୟମରେ ପରିବର୍ତ୍ତନ କରି ସମସ୍ତଙ୍କୁ ଟିକା ଦିଆଯାଇ ପାରିବ ।

ସିନୋଭାକ ସରକାରଙ୍କ ଦ୍ୱାରା ପରିଚାଳିତ ସିନୋଫାର୍ମ ଚୀନର ୪ଟି ଶ୍ରେଷ୍ଠ ଭ୍ୟାକ୍ସିନ୍ ତିଆରି କମ୍ପାନୀ ମଧ୍ୟରୁ ଅନ୍ୟତମ । ବ୍ରାଜିଲ୍, ତୁର୍କ ଓ ଇଣ୍ଡୋନେସିଆରେ CoronaVacର ପ୍ରାରମ୍ଭିକ ପରୀକ୍ଷଣ ୨୪ ହଜାରରୁ ଅଧିକ ଲୋକଙ୍କୁ ଉପରେ ହୋଇଛି । କରୋନାର ଗମ୍ଭୀର ପ୍ରକୋପ ଥିବା ଦେଶରେ ସିନୋଭାକ ଭ୍ୟାକ୍ସିନ୍ ପରୀକ୍ଷଣ କରୁଛି ।

କମ୍ପାନୀ ବେଜିଂର ଦକ୍ଷିଣରେ ସିନୋଭାକ ପ୍ଲାଣ୍ଟ ନିର୍ମାଣ କରିଛି । ଏହି ପ୍ଲାଣ୍ଟ କରୋନା ଆରମ୍ଭ ହେବାରେ କିଛି ମାସ ମଧ୍ୟରେ ହୋଇଛି । ଏଠାରେ ୧୦ ଲକ୍ଷ ଭ୍ୟାକ୍ସିନ୍ ଉତ୍ପାଦନ କରାଯିବାର ବ୍ୟବସ୍ଥା ଥିବା ଦାବି କରାଯାଉଛି । କମ୍ପାନୀ କହିଛି- ଆସନ୍ତା ବର୍ଷ ଫେବ୍ରୁଆରୀ କିମ୍ବା ମାର୍ଚ୍ଚ ମଧ୍ୟରେ ଭ୍ୟାକ୍ସିନର ୧୦୦ ମିଲିୟନ ଡୋଜ୍ ଉତ୍ପାଦନ ହେବ ।

ଫାର୍ମାସ୍ୟୁଟିକଲ କମ୍ପାନୀ କହିଛି- ବିକଶିତ ହେଉଥିବା କରୋନା ଭାଇରସ ଭ୍ୟାକ୍ସିନ୍ ଆମେରିକା ସହିତ ବିଶ୍ୱବ୍ୟାପୀ ବିତରଣ ପାଇଁ ୨୦୨୧ ଆରମ୍ଭରେ ପ୍ରସ୍ତୁତ ହୋଇଯିବ ।