ତାଓ୍ବାଙ୍ଗ ସଂଘର୍ଷ ପରେ ସୀମାରେ ଚୀନର ଯୁଦ୍ଧ ପ୍ରସ୍ତୁତି
1 min read
ନୂଆଦିଲ୍ଲୀ : ଅରୁଣାଚଳ ପ୍ରଦେଶ ତାଓ୍ବାଙ୍ଗ ସଂଘର୍ଷ ପରେ ସୀମାରେ ପୁଣି ଚୀନର ହରକତ । ତୀବ୍ବତୀୟ ଏୟାରବେସ୍ରେ ଚୀନ୍ ବହୁ ସଂଖ୍ୟକ ଡ୍ରୋନ ଓ ଯୁଦ୍ଧ ବିମାନ ମୁତୟନ କରିଛି । ମାକ୍ସର ହାଇ-ରିଜଲ୍ୟୁସନ ସାଟେଲାଇଟ ଇମେଜରୁ ସୀମା ଆରପଟର ଚିତ୍ର ସାମ୍ନାକୁ ଆସିଛି । ସୀମାରେ ଚୀନ୍ ଏୟାର ଆକ୍ଟିଭିଟି ବଢ଼ିଥିବାରୁ ବାୟୁସେନା ଆଲର୍ଟରେ ରହିଛି ।
ଅରୁଣାଚଳ ପ୍ରଦେଶଠାରୁ ୧୫୦ କିମି ଦୂର ଚୀନ ବାଙ୍ଗଡା ଏୟାରସ୍ପେସରେ ଷ୍ଟେଟ ଅଫ୍ ଦ ଆର୍ଟ ସୋରିଂ ଡ୍ରାଗନ ଡ୍ରୋନ ରଖାଯାଇଛି । ଏହି ଡ୍ରୋନ ଲଗାତାର ୧୦ ଘଣ୍ଟା ପର୍ଯ୍ୟନ୍ତ ଉଡାଣ ଭରିପାରିବ । ଟାର୍ଗେଟ ହିଟ୍ ପାଇଁ କ୍ରୁଜ ମିସାଇଲକୁ ଏହା ତଥ୍ୟ ଟ୍ରାନ୍ସଫର କରିଥାଏ ।
ଆକସାଇ ଚୀନ୍ ଏବଂ ଉତ୍ତରପୂର୍ବ ଭାରତୀୟ ସୀମା ପାର୍ଶ୍ବରେ ଯେକୌଣସି ମୁହୁର୍ତ୍ତରେ ଆକ୍ରମଣ କରିବା ପାଇଁ ଏକ ସକ୍ରିୟ ଓ ସଂପୂର୍ଣ୍ଣ କାର୍ଯ୍ୟକ୍ଷମ ନେଟୱାର୍କିଂ ପରିବେଶ ରଖାଯାଇଛି ବୋଲି IAF ଫାଇଟର ଜେଟ୍ ପାଇଲଟ ସମୀର ଯୋଶୀ କହିଛନ୍ତି ।
