China-India Standoff :ସାମ୍ନାକୁ ଆସିଲା ଗଲବାନ ଘାଟିରେ ଭାରତୀୟ ସୈନିକଙ୍କ ଦ୍ୱାରା ନିହତ ଚୀନ ସୈନିକଙ୍କ ସମାଧି

ନୂଆଦିଲ୍ଲୀ:ଜୁନ୍ ୧୫ ଓ ୧୬ ତାରିଖ ରାତିରେ ଗଲବାନରେ ହୋଇଥିବା ସଂଘର୍ଷରେ ୨୦ ଭାରତୀୟ ସୈନିକ ସହିଦ ହୋଇଥିଲେ । କିନ୍ତୁ ଚୀନ ନିଜ ମୃତହାତଙ୍କ ସମ୍ପର୍କରେ ଏପର୍ଯ୍ୟନ୍ତ କୌଣସି ବୟାନ ରଖିନାହିଁ । ତେବେ ଆମେରିକାଭଳି ଦେଶଙ୍କ ଅନୁସାରେ ସଂଘର୍ଷରେ ଚୀନର ୪୨ ଜଣ ସୈନିକ ପ୍ରାଣ ହରାଇଥିଲେ । ଏବେ ସେହି ଖବର ପ୍ରାୟତଃ ସତ ବୋଲି ଜଣା ପଡୁଛି । ଏକ ଘରୋଇ ଚ୍ୟାନେଲ ପକ୍ଷରୁ ଦାବି କରାଯାଇଛି ଯେ, ଚୀନ୍ ସୈନିକଙ୍କ କବରର ଫଟୋ ଏହା ପାଖରେ ଅଛି । ଏହି ନ୍ୟୁଜ୍ ଚ୍ୟାନେଲ ପ୍ରଥମେ ଶନିବାର ଦିନ ଗୋଟିଏ କବରର ଫଟୋ ଦେଖାଇ ଏହା ଗଲବାନ ଘାଟିରେ ନିହତ ଚୀନ ସୈନିକଙ୍କ କବର ବୋଲି ଦାବି କରିଥିଲା । ଏବେ ଏହା ଗୋଟିଏ ଲାଇନରେ ଥିବା ଚୀନ୍ ସୈନିକଙ୍କ କବରର ଫଟୋ ଜାରି କରିଛି । ସବୁ କବରରେ କଳା ମାର୍ବଲ ଲାଗିଥିବା ଦେଖିବାକୁ ମିଳିଛି ।

ଚିତ୍ରରୁ ଜଣା ପଡୁଛି ଯେ, ଗଲବାନ ଘାଟିରେ ନିହତ ହୋଇଥିବା ସୈନିକଙ୍କ  କବର ଚୀନର ପିଏଲଏ ସେନାର ଏକ ମେମୋରିଆଲରେ ରହିଛି । ଏହା ଏକ ନୂଆ ମେମୋରିଆଲ ବୋଲି ଜଣା ପଡୁଛି । କିନ୍ତୁ ମେମୋରିଆଲରେ ୩୫ରୁ ଅଧିକ ସୈନିକଙ୍କ ସମାଧୀ ରହିଛି । ସନ୍ଦେହ କରାଯାଉଛି ଯେ, କିଛି ଦିନ ତଳେ ତିଆରି ହୋଇଥିବା ମେମୋରିଆଲରେ ଗଲବାନ ଘାଟିରେ ନିହତ ସୈନିକଙ୍କୁ ସମାଧି ଦିଆଯାଇଛି । ପୁରା ସତ କେବଳ ଚୀନ ହିଁ କହିପାରିବ ।

ସୂଚନାଯୋଗ୍ୟ ଯେ, ଗଲବାନ ଘାଟିରେ ୧୫-୧୬ ମେ ମଧ୍ୟରାତ୍ରୀରେ ଭାରତ ଓ ଚୀନ ସୈନିକଙ୍କ ମଧ୍ୟରେ ସଂଘର୍ଷ ହୋଇଥିଲା । ବର୍ତ୍ତମାନ ପର୍ଯ୍ୟନ୍ତ ଚୀନ ଆଧିକାରିକ ଭାବେ ତା’ର କେତେଜଣ ସୈନିକ ପ୍ରାଣ ହରାଇଛନ୍ତି ସେ ବାବଦରେ କୌଣସି ସୂଚନା ଦେଇ ନାହିଁ । ଅନ୍ୟପକ୍ଷରେ ଭାରତ କେଇ ଘଣ୍ଟା ମଧ୍ୟରେ ନିଜ ସହିଦଙ୍କ ସଂପର୍କରେ ସୂଚନା ପ୍ରଦାନ କରିଥିଲା ।

ଶନିବାର ଦିନ ଉକ୍ତ ଚ୍ୟାନେଲ ଏକ ସମାଧିର ଫଟୋ ଜାରି କରିଥିଲା । ଯେଉଁଥିରେ ଲେଖାଥିଲା ଯେ, ୧୯ ବର୍ଷୀୟ ଏହି ସୈନିକଙ୍କ ମୃତ୍ୟୁ ଭାରତୀୟ ସୀମାରେ ହୋଇଥିଲା । ସମାଧିରେ ସୈନିକର ନାମ ଚେନ୍ ସିୟାନଗ୍ରୋଙ୍ଗ୍ ଲେଖା ହୋଇଛି । ସେ ଫୁଜିୟାନ ପ୍ରଦେଶର ବାସିନ୍ଦା । ସୈନିକଙ୍କ ଜନ୍ମ ଡିସେମ୍ବର ୨୦୦୧ ଓ ମୃତ୍ୟୁ ଜୁନ୍ ୨୦୨୦ ବୋଲି ଲେଖାଯାଇଛି । ଚୀନ୍ ଭାଷାରେ ଲେଖା ରହିଛି ଯେ, ଏହି ସୈନିକ ଜଣକ ସୀମାରେ ଭାରତ ବିରୋଧରେ ଲଢେଇ କରି ବଳିଦାନ ଦେଇଛନ୍ତି  । ସୈନିକଙ୍କ ଚୀନର ସେଣ୍ଟ୍ରାଲ ମିଲିଟାରୀ କମିଶନ(ସିଏମସି) ତରଫରୁ ’ଫାଷ୍ଟ୍ କ୍ଲାସ ମେରିଟ୍’ ପ୍ରଶଂସାପତ୍ର ମିଳିଥିବା କଥା ଉଲ୍ଲେଖ ରହିଛି । ଉଲ୍ଲେଖନୀୟ ଯେ, ରାଷ୍ଟ୍ରପତି ସି ଜିନପିଙ୍ଗ୍ ସିଏମସିର ଚେୟାରମ୍ୟାନ୍ । କେବଳ ଏତିକି ନୁହେଁ ସୈନିକଙ୍କ ସମାଧି ଉପରେ ତାଙ୍କର ମିଲିଟାରି ୟୁନିଟର ନାମ ମଧ୍ୟ ଉଲ୍ଲେଖ ଅଛି । ଚେନ୍ ଦକ୍ଷୀଣ ଶିଚାୟିଙ୍ଗ୍ ମିଲିଟାରି ଡିଷ୍ଟ୍ରକ୍ଟ ସହ ଜଡିତ ଥିଲେ । ଏହି ୟୁନିଟ୍ ପୂର୍ବ ଲଦାଖକୁ ଲାଗିଥିବା ଏଲଏସିର ସୁରକ୍ଷାରେ ମୁତୟନ ଅଛି ।

ସମଧି ଉପରେ ଅଧା ଜଳା ସିଗାରେଟ୍ ରହିଛି । ଚୀନରେ ସିଗାରେଟକୁ ସାମାଜିକ ଭାବେ ଶୁଭ ମନା ଯାଏ । ଲୋକ ପରସ୍ପରକୁ ଭେଟିବା ବେଳେ ସିଗାରେଟ୍ ଉପହାର ଭାବେ ଦିଅନ୍ତି । ତେଣୁ ସମ୍ଭବ ଯେ, ଚେନ୍ ଶିୟାଗ୍ରୋଙ୍ଗ୍ ମଧ୍ୟ ସିଗାରେଟ୍ ପିଉଥିବାର ସମ୍ଭବାନ ରହିଛି  ଓ ତା’ର ସାଥି ତାଙ୍କୁ ମନେ ପକାଇ ସମାଧି ଉପରେ ଅଧାଜଳା ସିଗାରେଟ୍ ରଖି ଥାଇ ପାରନ୍ତି ।