ଜଳ-ସ୍ଥଳ ନୁହେଁ ଅନ୍ତରୀକ୍ଷରେ ବି ଭାରତକୁ ଆଟାକ୍ କରୁଛି ଚୀନ୍…!
1 min read
ନୂଆଦିଲ୍ଲୀ: ସ୍ଥଳଭାଗ ଏବଂ ଜଳ ଭାଗ ବ୍ୟତୀତ ଅନ୍ତରୀକ୍ଷରେ ମଧ୍ୟ ଭାରତକୁ ଆକ୍ରମଣ କରିବାକୁ ଚେଷ୍ଟ କରୁଛି ଚୀନ୍ । ଏନେଇ ଏକ ରିପୋର୍ଟରେ କୁହାଯାଇଛି ଯେ, ଗତ ୨୦୧୨ ରୁ ୨୦୧୮ ପର୍ଯ୍ୟନ୍ତ ଭାରତୀୟ ସାଟେଲାଇଟ୍ କମ୍ୟୁନିକେସନ୍ ଉପରେ ଚୀନ୍ ସାଇବର୍ ଆଟାକ୍ କରିଛି । କିନ୍ତୁ ଇସ୍ରୋର କହିବାନୁଯାୟୀ ଏଭଳି କୌଣସି ଘଟଣା ଘଟିନାହିଁ ।
ଆମେରିକାସ୍ଥିତ ଚାଇନା ଏରୋସ୍ପେସ୍ ଷ୍ଟଡିଜ୍ ଇନ୍ସ୍ଟିଚ୍ୟୁଟ୍ର ୧୪୨ ନମ୍ବର ପୃଷ୍ଠାରେ ଲେଖାଥିବା ତଥ୍ୟକୁ ଆଧାର କରି ଏକ ଜାତୀୟ ଗଣମାଧ୍ୟମ ୨୦୧୨ରେ ଭାରତ ପ୍ରତି ସାଇବର ଆଟାକ୍ ହୋଇଥିବା କହିଛି ।
ରିପୋର୍ଟରେ କୁହାଯାଇଛି ଯେ, ଜେଟ୍ ପ୍ରୋପସ୍ନାଲ୍ ଲେବ୍ରୋଟୋରୀ ଉପରେ ଚୀନ୍ ନେଟ୍ଓ୍ୱାର୍କ ଆଧାରିତ ଏକ କମ୍ପ୍ୟୁଟର ଦ୍ୱାରା ଆଟାକ୍ କରାଯାଇଥିଲା । ଏହି ସାଇବର ଆଟାକ୍ରେ ଜେପିଏଲ୍ ନେଟ୍ଓ୍ୱାର୍କକୁ ସମ୍ପୂର୍ଣ୍ଣ ନିୟନ୍ତ୍ରଣାଧିନ କରିବାକୁ ଚେଷ୍ଟା କରାଯାଉଥିଲା ।
ଏହି ରିପୋର୍ଟରେ ଆହୁରି କୁହାଯାଇଛି ଯେ ଭାରତ ଏହାର କାଉଣ୍ଟର ସ୍ପେସ୍ କ୍ଷମତାର ବ୍ୟବହାର କରି ମାର୍ଚ୍ଚ ୨୭, ୨୦୧୯ ରେ ଆଣ୍ଟି ସାଟେଲାଇଟ୍ ମିସାଇଲ୍ ଟେକ୍ନୋଲୋଜି ପ୍ରଦର୍ଶନ କରିଥିଲା । ଯାହା ଭାରତକୁ ଶତ୍ରୁ ଉପଗ୍ରହ ନଷ୍ଟ କରିବାକୁ ସହଯୋଗ କରିବ ।
କିନ୍ତୁ CASI ରିପୋର୍ଟରେ ଦର୍ଶାଯାଇଛି ଯେ, ଚାଇନା ପାଖରେ ଏଭଳି ଅନେକ କାଉଣ୍ଟର-ସ୍ପେସ୍ ଟେକ୍ନୋଲୋଜି ଅଛି ଯାହା ଭାରତର ଶକ୍ତିକୁ ଦୁର୍ବଳ କରିପାରେ ।
