ବ୍ରହ୍ମପୁତ୍ର ନଦୀରେ ସୁପର୍ ଡ୍ୟାମ୍ ତିଆରି କରିବ ଚୀନ, ଚିନ୍ତାରେ ଭାରତ ଓ ବାଂଲାଦେଶ
ନୂଆଦିଲ୍ଲୀ: ଦିନକୁ ଦିନ ବଢିବାରେ ଲାଗିଛି ଚୀନର ସାହାସ । ଏଲଏସିରେ ବିବାଦ ପରେ ଏବେ ତିବ୍ବତରେ ଆଉ ଏକ ବିରାଟ ଷଡଯନ୍ତ୍ର କରିବାକୁ ଯାଉଛି । ତିବ୍ବତ ଦେଇ ଯାଇଥିବା ବ୍ରହ୍ମପୁତ୍ର ନଦୀର ସୁପର ଡ୍ୟାମ ନିର୍ମାଣ କରିବାକୁ ଯାଉଛି ଚୀନ୍ । ପଞ୍ଚ ବାର୍ଷିୟ ଯୋଜନା ଚୀନ ଏହାକୁ ସିକୃତି ଦେଇଥିବା ବେଳେ ଡ୍ୟାମ ନିର୍ମାଣ ପାଇଁ କଣ୍ଟ୍ରାକ୍ଟ ମଧ୍ୟ ଦିଆଯାଇଛି ।
ବ୍ରହ୍ମପୁତ୍ର ନଦୀକୁ ତିବ୍ବତରେ ୟାରଲୁଙ୍ଗ ଜଙ୍ଗବୋ ନଦୀ କୁହାଯାଏ । ଏହି ନଦୀର ତଳ ଅଞ୍ଚଳରେ ଜଳ ବିଦ୍ୟୁତ ଯୋଜନା ପାଇଁ ଏକ ଡ୍ୟାମ ନିର୍ମାଣ ହେବାକୁ ଯାଉଛି । ଆସନ୍ତା ବର୍ଷ ଏହାର ନିର୍ମାଣ ହେବ ବୋଲି ଗ୍ଲୋବାଲ ଟାଇମ୍ସ ପକ୍ଷରୁ କୁହାଯାଇଛି । ତଳ ମୁଣ୍ଡରେ ଏଭଳି ନିର୍ମାଣ ପରେ ଚିନ୍ତାରେ ପଡିଯାଇଛନ୍ତି ଭାରତ ଓ ବାଙ୍ଗଲାଦେଶ ।
ଏହି ନିର୍ମାଣ ହେଲେ ବ୍ରହ୍ମପୁତ୍ର ଓ ଭାରତରେ ଥିବା ଚାଷୀ ଓ ବିଭିନ୍ନ ଜଳ ପ୍ରକଳ୍ପ ପ୍ରଭାବିତ ହେବ ବୋଲି ଆଶଙ୍କା କରାଯାଉଛି । ସେପଟେ ଚୀନର କହିବା କଥା ଅନ୍ୟ ଦେଶର ସ୍ବାର୍ଥ ପ୍ରତି ମଧ୍ୟ ନଜର ରହିଛି । ଭାରତ ଓ ବାଙ୍ଗଲାଦେଶ ଯେମିତି ହଇରାଣ ନେହେବେ ସେଥିପ୍ରତି ଦୃଷ୍ଟି ଦିଆଯିବ ।
