ତିବ୍ବତୀୟ ଭାଷା ଲୋପ ପାଇଁ ଚୀନର ଉଦ୍ୟମ, ବନ୍ଦ କରୁଛି ଘରୋଇ ତିବ୍ବତ ବିଦ୍ୟାଳୟ

ନୂଆଦିଲ୍ଲୀ: ସୀମା ପରେ ଭାଷା ଉପରେ ନଜର । ସୀମାରେ ପରି ଶାସନ କରୁଥିବା ଚୀନ ଏବେ ଭାଷା ବିଲୋପ କରିବାକୁ ଚକ୍ରାନ୍ତ କରିଛି । ସମ୍ବିଧାନକୁ ଦଳି ଚକଟି ତିବ୍ବତରେ ସଂସ୍କୃତି ଓ ଭାଷାକୁ ସମ୍ପୂର୍ଣ୍ଣ ଭାବେ ବନ୍ଦ କରିବାକୁ ଚେଷ୍ଟା କରୁଛି । ଖବର ଅନୁସାରେ, ଚୀନ କବଜାରେ ଥିବା ତିବ୍ବତରେ ଯେଉଁ ସ୍କୁଲରେ ଶିକ୍ଷାଦାନର ଭାଷା ତିବ୍ବତି ତାକୁ ବନ୍ଦ କରି ଦିଆଯାଉଛି ।

ପଶ୍ଚିମୀ ଚୀନର ସିଚୁଆନ୍ ପ୍ରାନ୍ତରେ ସରକାରୀ ଅଧିକାରୀ ତିବ୍ବତର ଘରୋଇ ସ୍କୁଲକୁ ବନ୍ଦ କରି ସରକାରୀ ସ୍କୁଲରେ ପାଠ ପଢ଼ିବା ଲାଗି ବାଧ୍ୟ କରୁଛନ୍ତି । ସେଠରେ ସରକାରୀ ସ୍କୁଲରେ ଛୁଆଙ୍କୁ ମଣ୍ଡାରିନ ଭାଷାରେ ଶିକ୍ଷା ଦିଆଯାଇଥାଏ । ଚୀନ୍ ଦ୍ୱାରା ଏଭଳି ଘରୋଇ ସ୍କୁଲ ବନ୍ଦ କାର୍ଯ୍ୟ ୨୦୨୦ ଶେଷରୁ ଆରମ୍ଭ ହୋଇଛି । ଚୀନ ନିଜ ସଂସ୍କୃତି ସହ ଭାଷାକୁ ଲୋକଙ୍କ ଉପରେ ଜବରଦସ୍ତ ଭାବେ ଲଦିବାରେ ଲାଗିଛି । ସୂଚନା ଅନୁସାରେ, ଚୀନର ସିଚୁଆନ୍ ଦଜାଚୁଖା ଅଞ୍ଚଳରେ ଥିବା  ତିବ୍ବତି ଭାଷା ବିଦ୍ୟାଳୟକୁ ବିନା କାରଣରେ ବନ୍ଦ କରି ଦିଆଯାଇଛି ।

ସୂତ୍ର ଅନୁସାରେ, ସେଠାରେ ଶିକ୍ଷାଦାନରେ ଉନ୍ନତି ନାଁରେ ଏଭଳି ପଦକ୍ଷେପ ନେଉଛି ଚୀନ । ଚୀନ ଉକ୍ତ ଅଞ୍ଚଳର ରେଲୱେ ଷ୍ଟେସନ୍ ହେଉ ଅବା ବସଷ୍ଟାଣ୍ଡ ଅଥବା କୌଣସି ହୋର୍ଡିଂ ସେଠାରେ ଇଂରାଜୀ ସହିତ ମଣ୍ଡାରିନ୍ ଭାଷାରେ ସବୁକିଛି ଲେଖୁଛି । ଚୀନ ରାଷ୍ଟ୍ରପତି ସି ଜିନପିଙ୍ଗଙ୍କ ୨୦୩୫ ଶିକ୍ଷା ନୀତି ପ୍ରକାରେ, ଚୀନରେ ପ୍ରାଥମିକ, ମାଧ୍ୟମିକ ଓ ଉଚ୍ଚଶିକ୍ଷା ପାଠ୍ୟକ୍ରମ ସାମଗ୍ରୀର ବ୍ୟାପକ ସୁଧାର ନାଁରେ ଯୋଡ଼ିବାକୁ ଚାହୁଁଛି ।