ଲଦାଖରେ ଥଣ୍ଡା ସହି ପାରୁନି ଡ୍ରାଗନ, ମୁତୟନ କଲା ମେସିନ ଗନଧାରୀ ରୋବଟ

ନୂଆଦିଲ୍ଲୀ: ଲଦାଖରେ ଭାରତ-ଚୀନ ମଧ୍ୟରେ କିଛି ଦିନ ହେବ ଉତ୍ତେଜନା ଜାରି ରହିଛି । ଭାରତକୁ ଲଦାଖରେ ଆଖି ଦେଖାଇବାକୁ ଡ୍ରାଗନ ପକ୍ଷରେ କଷ୍ଟକର ହୋଇ ପଡ଼ିଛି । କିନ୍ତୁ ପିଏଲଏର ହଜାର ହଜାର ସୈନିକ ଅକ୍ସାଇ ଚୀନର ଅସହ୍ୟ ଥଣ୍ଡା ଓ କମ୍ ଅମ୍ଳଜାନର ମୁକାବିଲା କରିବାରେ ଅସମର୍ଥ । ଏହି ବରଫ ପରିବେଶରେ ଅନେକ ଚୀନ୍ ସୈନିକଙ୍କର ମୃତ୍ୟୁ ଘଟିଛି । ଏମିତିକି ସେହି ଅଞ୍ଚଳରେ ଚୀନ ତିନି ଥର ତା’ର କମାଣ୍ଡର ବଦଳାଇଛି । ଚୀନ ସୈନିକ ବିଫଳ ହେବା ପରେ ଭାରତର ମୁକାବିଲା କରିବା ଚୀନ ରୋବଟ ସେନାକୁ ନିୟୋଜିତ କରିଛି । ଏହି ରୋବଟ ଗୁଡିକ ମେସିନ ବନ୍ଧୁକ ଧରି ଭାରତୀୟ ସେନାକୁ ପ୍ରତିହତ କରିବା ପାଇଁ ସଜାଗ ରହିଛି ।

ଗଣମାଧ୍ୟମର ରିପୋର୍ଟ ଅନୁସାରେ, ଚୀନ୍ ୮୮ଟି ରୋବଟ୍ ତିବ୍ଦତ ସୀମାକୁ ପଠାଇଛି। ଏଥିମଧ୍ୟରୁ ୩୮ଟି ରୋବଟ ସୀମାରେ ନିୟୋଜିତ କରାଯାଇଛି। ଏଲଏସିର ତାପମାତ୍ରା ମାଇନସ୍ ୨୦ରୁ ୪୦ ଡିଗ୍ରୀ ରହିଛି । ଯାହା ଫଳରେ ସେଠାରେ ଚୀନ ସେନା ଏହି ପରିବେଶକୁ ମୁକାବିଲା କରିବାରେ ସମର୍ଥ ହେଉନାହିଁ । ତେଣୁ ପ୍ରବଳ ଥଣ୍ଡାରୁ ମୁକ୍ତି ପାଇବା ପାଇଁ ପିଏଲଏର ସ୍ଥାନ ନେଇଛି ରୋବଟ । ଅନ୍ୟପକ୍ଷରେ ବର୍ତ୍ତମାନ ପର୍ଯ୍ୟନ୍ତ ସୀମାରେ ରୋବଟ ସେନା ଦେଖିବାକୁ ମିଳିନାହିଁ ବୋଲି କହିଛି ଭାରତୀୟ ସେନା ।