ଅଗ୍ନୀ-୫ ବଢ଼ାଇଛି ଚୀନ୍ର ଚିନ୍ତା, ଅନେକ ଚେଷ୍ଟା ପରେ ପ୍ରସ୍ତୁତ କରିଛି ଆଣ୍ଟିବାଲାଷ୍ଟିକ୍ ମିସାଇଲ
1 min read
ନୂଆଦିଲ୍ଲୀ: ଗୋଟିଏ ପଟେ ପୂର୍ବ ଲଦାଖରେ ଭାରତ-ଚୀନ୍ ମଧ୍ୟରେ ବିବାଦ ଲାଗିରହିଥିବା ବେଳେ ଅନ୍ୟପଟେ ଭାରତର ଘାତକ ଅଗ୍ନି-୫ କ୍ଷେପଣାସ୍ତ୍ରକୁ ମଝି ରାସ୍ତାରେ ଧ୍ୱଂସ କରିବା ପାଇଁ ଚୀନ୍ ତାର ଆଣ୍ଟି-ବାଲିଷ୍ଟିକ୍ କ୍ଷେପଣାସ୍ତ୍ରର ପରୀକ୍ଷା କରିଛି । ଗତ କିଛି ଦିନ ପୂର୍ବେ ଉତ୍ତର ଚୀନ୍ ଅଞ୍ଚଳରେ ଏହି ପରୀକ୍ଷଣ କରାଯାଇଥିଲା । ଆଉ ଏହି ପରୀକ୍ଷଣ ସଫଳ ହୋଇଥିବା ମଧ୍ୟ ଚୀନ୍ ଦାବି କରିଥିଲା । ଚୀନ୍ର କହିବାନୁଯାୟୀ ଏହି ଆଣ୍ଟି ବଲାଷ୍ଟିକ୍ ମିସାଇଲ ନିର୍ଦ୍ଦିଷ୍ଟ କୌଣସି ଦେଶକୁ ଟାର୍ଗେଟ କରି ପରୀକ୍ଷା କରାଯାଇ ନାହିଁ । କିନ୍ତୁ ଭାରତୀୟ ବିଶେଷଜ୍ଞମାନେ କହିଛନ୍ତି ଯେ, ଡ୍ରାଗନ୍ର ଏହି ଅଭ୍ୟାସ ହେଉଛି ଭାରତର ଅଗ୍ନି-୫ କ୍ଷେପଣାସ୍ତ୍ରକୁ ଧ୍ୱଂସ କରିବା ପାଇଁ ।
ଚାଇନାର ରାଷ୍ଟ୍ରାୟତ୍ତ ଖବରକାଗଜ ଗ୍ଲୋବାଲ ଟାଇମ୍ସ କହିଛି ଯେ, ଏହି ଆଣ୍ଟି-ବାଲିଷ୍ଟିକ୍ କ୍ଷେପଣାସ୍ତ୍ର ପରୀକ୍ଷଣର ଉଦ୍ଦେଶ୍ୟ ହେଉଛି ମଧ୍ୟଭାଗରେ ଶତ୍ରୁର ମଧ୍ୟମ ଦୂରଗାମୀ କ୍ଷେପଣାସ୍ତ୍ର (ଆଇଆରବିଏମ୍) କୁ ଅଟକାଇବାରେ କ୍ଷମତା ପ୍ରଦର୍ଶନ କରିବା । ଏଥି ସହିତ ବିଶେଷଜ୍ଞମାନେ କହିଛନ୍ତି ଯେ ଏହି ସିଷ୍ଟମରେ ଉପଗ୍ରହ ତଥା ସାଟେଲାଇଟ୍ ମଧ୍ୟ ନଷ୍ଟ କରାଯାଇପାରେ । ହଂକଂରୁ ପ୍ରକାଶିତ ଏକ ଖବରକାଗଜ ସାଉଥ ଚାଇନା ମର୍ନିଂ ପୋଷ୍ଟ ମଧ୍ୟ ଏହା କୁହାଯାଇଛି ।
Do these videos, recorded by Chinese netizens and reposted by PLA Central Theater Command, show China's mid-course antiballistic missile test on Thursday? https://t.co/SUJgfz7s63 pic.twitter.com/vJrWEcdOCL
— Global Times (@globaltimesnews) February 5, 2021
ଚୀନ୍ ରକ୍ଷାମନ୍ତ୍ରାଳୟ ପକ୍ଷରୁ କୁହାଯାଇଥିଲା ଯେ, ଏହି ପରୀକ୍ଷଣ କୌଣସି ନିର୍ଦ୍ଦିଷ୍ଟ ଦେଶକୁ ଲକ୍ଷ କରି କରାଯାଇ ନାହିଁ । ତେବେ ଚୀନ୍ ସେନାର ଜଣେ ପାଖ ଲୋକଙ୍କଠାରୁ ମିଳିଥିବା ସୂଚନା ଅନୁଯାୟୀ ଏହି ପରୀକ୍ଷଣ ଭାରତକୁ ଲକ୍ଷ କରି କରାଯାଇଛି । ଚୀନ୍ ଏହା ଦ୍ୱାରା ଭାରତକୁ ଚେତାବନୀ ଦେବାକୁ ଚାହୁଁଥିଲା । ସବୁଠାରୁ ବଡ଼ କଥା ହେଉଛି ଭରତ ନିଜର ସବୁଠାରୁ ଭୟଙ୍କର କ୍ଷେପଣାସ୍ତ୍ର ଅଗ୍ନୀ-୫କୁ ଏଥର ସୀମାରେ ମୁତୟନ କରିବାର ଯୋଜନା କରିଛି । ଏହି କ୍ଷେପଣାସ୍ତ୍ର ଭାରତରୁ ସିଧାସଳଖ ଚୀନ୍କୁ ଆକ୍ରମଣ କରିବାର କ୍ଷମତା ରଖୁଛି ।
ଅଗ୍ନୀ-୫ ମିସାଇଲର ରେଞ୍ଜ ୫ ହଜାର କିଲୋମିଟର ଓ ଏହା ଚୀନ୍ର କୌଣସି ସହରକୁ ବି ଟାର୍ଗେଟ କରିବାର କ୍ଷମତା ରଖୁଛି । ଚୀନ୍ ସେନାର ଜଣେ ଘନିଷ୍ଠଙ୍କଠାରୁ ମିଳିଥିବା ସୂଚନା ଅନୁଯାୟୀ, ଚୀନ୍ ଏହି ଆଣ୍ଟିବାଲାଷ୍ଟିକ୍ ସିଷ୍ଟମ ପ୍ରସ୍ତୁତ କରିବା ପାଇଁ ଅନେକ ଦିନ ଧରି ପ୍ରଚେଷ୍ଟା ଚଳାଇଥିଲା । ତେବେ ଏହି ପରୀକ୍ଷଣର ମୁଖ୍ୟ ଉଦେଶ୍ୟ ଭାରତକୁ ଚେତାବନୀ ଦେବା ସହ ପରମାଣୁ ଚୁକ୍ତି ବେଳେ ବ୍ଲାକ୍ମେଲ ରଣନୀତି ଆପଣାଇବା । ତେବେ ଏହା ମଧ୍ୟ ସୁଣିବାକୁ ମିଳୁଛି ଯେ, ଚୀନ୍ର ଏହି ଆଣ୍ଟିବାଲାଷ୍ଟିକ୍ ମିଶାଇଲ ଋଷ କିମ୍ବା ଆମେରିକାର କ୍ଷେପଣାସ୍ତ୍ରକୁ ମାତ୍ ଦେଇପାରିବ ନାହିଁ । କାରଣ ଚୀନ୍ ଏବଂ ଆମେରିକାର କ୍ଷେପଣାସ୍ତ୍ରରେ ଅନେକ ଅନ୍ତର ରହିଛି ।
