LAC Face Off: ସୀମାରେ ଚୀନ୍ ଉଡ଼ାଇଲା ଯୁଦ୍ଧ ବିମାନ J-20, ଟକ୍କର ଦେବ ରାଫେଲ୍
ନୂଆଦିଲ୍ଲୀ: ଲଦାଖର ପେଙ୍ଗୋଙ୍ଗ୍ ହ୍ରଦରେ ଚୀନ ଅନୁପ୍ରବେଶ ପାଇଁ ଉଦ୍ୟମ କରିଥିଲେ । ଯାହାକୁ ବିଫଳ କରିଛନ୍ତି ଭାରତୀୟ ଯବାନ । ଯାହାପରେ ଚୀନ୍ ସେନା ସୀମା ନିକଟରେ ଲଦାଖ ଉପରେ ଯୁଦ୍ଧ ବିମାନ ଜେ-୨୦ ଉଡ଼ାଉଛି । ଯାହାକୁ ଟକ୍କର ଦେବା ପାଇଁ ଭାରତୀୟ ବାୟୁସେନାର ରାଫେଲ, ସୁଖୋଇ-୩୦ ଏମକେଆଇ ଓ ତେଜସ୍ ପ୍ରସ୍ତୁତ ରହିଛନ୍ତି ।
ରାଫେଲ ଆଗରେ ଚୀନର J-୨୦ର ଇଞ୍ଜିନ୍ ନିମ୍ନମାନର । ଲଢ଼େଇରେ ମଧ୍ୟ ରାଫେଲ, J-୨୦ ଠାରୁ ବହୁତ ଆଗୁଆ । ରାଫେଲରେ ୱାୟର ୱେପନ୍ ଲୋଡ୍, ବ୍ୟାଟର ହାର୍ଡାଣ୍ଡ ଓ ଲିଥଲ ମିସାଇଲ୍ ପାୱାର ରହିଛି । ଆସନ୍ତୁ ଜାଣିବା ରାଫେଲ୍ (Rafale) ଚୀନର ଯୁଦ୍ଧ ବିମାନ ଚେଙ୍ଗଦୁ ଜେ-୨୦ ଠାରୁ କେଉଁଥି ପାଇଁ ଭଲ ।
ପ୍ରଥମେ ଇଞ୍ଜିନ୍ କଥା ଦେଖିବାକୁ ଗଲେ ରାଫେଲରେ ଦୁଇଟ Snecma M88 ଇଞ୍ଜିନ୍ ରହିଛି । ଯାହା ୫୦ କିଲୋନ୍ୟୁଟନ ଥ୍ରଷ୍ଟ ନିର୍ମାଣ କରେ । ଚେଙ୍ଗଦୁ ଜେ-୨୦ରେ ଶେନୟାଙ୍ଗ WS-10 ବି ଇଞ୍ଜିନ୍ ଲାଗିଛି । ଯାହା ୧୪୫ କିଲୋନ୍ୟୁଟନ ଥଷ୍ଟ ନିର୍ମାଣ କରେ । କିନ୍ତୁ ରାଫେଲ୍ ଇଞ୍ଜିନର ଥ୍ରଷ୍ଟ ତାକୁ ଚଲାଇବା ସହଜ କରିଥାଏ ।
ରାଫେଲ୍ ସୁପିରିୟର କମ୍ବାଟରେ ମଧ୍ୟ ଚେଙ୍ଗଦୁ ଜେ-୨୦ରୁ ଭଲ ଅଟେ । କାରଣ ରାଫେଲର ଆକାର ତାକୁ ଆକାଶରେ କ୍ଲୋଜ୍ କମ୍ବାଟରେ ସାହାଯ୍ୟ କରିଥାଏ । ଯେତେବେଳେ କି ଚେଙ୍ଗଦୁ ଜେ-୨୦ରେ ଆକାର ତାକୁ କ୍ଲୋଜ୍ କମ୍ବାଟରେ ଟିକିଏ ଅସୁବିଧା ସୃଷ୍ଟି କରିଥାଏ ।
ରାଫେଲରେ ସ୍କ୍ଲାପ୍ ଇଜି ଷ୍ଟ୍ରମ୍ ସ୍ୟାଡୋ, ଏଏଏସ୍ଏମ୍, ଏଟି ୭୩୦ ଟ୍ରିପଲ ଇଜେକ୍ଟର ରାକ, ଡାମୋକ୍ଲେସ ପଡ, ହ୍ୟାମର ମିସାଇଲ୍ ଖଞ୍ଜା ଯାଇପାରିବ । ଯେତେବେଳେ କି ଚେଙ୍ଗଦୁ ଜେ-୨୦ରେ ଏଏଏମ୍, ସର୍ଟ ରେଞ୍ଜ ଏଏଏମ୍, ଇଣ୍ଟର୍ନାଲ ଅଟୋକ୍ୟାନନ୍ ଓ ରୋଟରୀ କ୍ୟାନନ ମସିନ ଖଞ୍ଜା ଯାଇପାରିବ ।
ରାଫେଲ ୪.୫ ଜେନରେସନର ଟ୍ୱିନ୍ ଇଞ୍ଜିନ୍, କନାଡ଼ା ଡେଲ୍ଟା ୱିଙ୍ଗ, ମଲ୍ଟି ରୋଲ୍ ଯୁଦ୍ଧ ବିମାନ ଅଟେ । ଯେତେବେଳେ କି ଚେଙ୍ଗଦୁ ଜେ-୨୦ ସିଙ୍ଗଲ ସିଟ୍, ପ୍ରତିପାଗରେ ଉଡ଼ି ପାରିବ, ଷ୍ଟେଲଥ, ୫ମ ଜେନରେସନର ଯୁଦ୍ଧ ବିମାନ ଅଟେ । ରାଫେଲର ସର୍ଭିସ୍ ସିଲିଂ ୧୫ ହଜାର ୨୩୫ ମିଟର ହୋଇଥିବା ବେଳେ ଚେଙ୍ଗଦୁ ଜେ-୨୦ର ୨୦ ହଜାର ମିଟର ଅଟେ । ରାଫେଲ ସର୍ବାଧିକ ଘଣ୍ଟା ପ୍ରତି ୨୧୩୦ କିଲୋମିଟର ସ୍ପିଡ୍ ଥିବାବେଳେ ଚେଙ୍ଗଦୁ ଜେ-୨୦ ଘଣ୍ଟାପ୍ରତି ୨୨୨୩ କିଲୋମିଟର ଉଡ଼ିପାରିବ ।
ରାଫେଲ ଆକାରରେ ଚେଙ୍ଗଦୁ ଜେ-୨୦ଠାରୁ ଛୋଟ ଅଟେ । ଚେଙ୍ଗଦୁ ଜେ-୨୦ର ଲମ୍ବା ୨୦.୪ ମିଟର ହୋଇଥିବା ବେଳେ ରାଫେଲର ଲମ୍ବ ୧୫.୨୭ ମିଟର । ଚେଙ୍ଗଦୁ ଜେ-୨୦ର ଚଉଡ଼ା ୧୩.୫ ମିଟର ଅଟେ । ରାଫେଲର ଚଉଡ଼ା ୧୦.୮୦ ମିଟର । ଜେ-୨୦ର ଉଚ୍ଚତା ୪.୪୫ ମିଟର ଓ ରାଫେଲର ଉଚ୍ଚତା ୫.୩୪ ମିଟର । ଜେ-୨୦ର ଓଜନ ୧୯.୪ ଟନ୍ ହୋଇଥିବା ବେଳେ ରାଫେଲର ଓଜନ ୧୦.୩ ଟନ୍ ଅଟେ । ଅସ୍ତ୍ରଶସ୍ତ୍ର ସହ ଚେଙ୍ଗଦୁ ଜେ-୨୦ର ଓଜନ ୩୬ ଟନ୍ ହେଉଥିବା ବେଳେ ରାଫେଲର ଓଜନ ୨୪. ୫ ଟନ୍ ଅଟେ ।
ରାଫେଲର ରାଡାର ଓ ଏଭିୟୋନିକ୍ସ ସିଷ୍ଟମ ଅତ୍ୟାଧୁନିକ ଅଟେ । ଚୀନ ଆଜି ଯାଏ ରାଡାର ସିଷ୍ଟମ ନେଇ କୌଣସି ସୂଚନା ଦେଇନାହିଁ । ରାଫେଲରେ ଆକ୍ଟିଭ୍ ଇଲେକ୍ଟ୍ରୋନିକଲି ସ୍କ୍ୟାଣ୍ଡ ଏରେ ଲାଗିଛି । ଏହାବ୍ୟତୀତ ରାଫେଲରେ ଇଲେକ୍ଟ୍ରୋନିକ୍ ୱାରଫେୟର ସୁଟ୍ ସ୍ପେକ୍ଟାର ଲାଗିଛି । ଯାହା ଶତ୍ରୁକୁ କୌଣସି ପ୍ରକାରେ ଖୋଜି ଅସ୍ତ୍ରଶସ୍ତ୍ର ମାରିପାରେ ।
