ବିଶ୍ୱ କରୋନା ଟିକା ବଜାରରେ ଦବଦବା ପାଇଁ ଚୀନର ନୂଆ ଚାଲ୍
1 min read
ବେଜିଂ: ଚୀନ ନିଜ କରୋନା ଟିକାର ତୃତୀୟ ପର୍ଯ୍ୟାୟ ଟ୍ରାଏଲ ନକରି ଟିକାକରଣ କାର୍ଯ୍ୟକ୍ରମକୁ ଆଗକୁ ନେଉଥିବା ସୂଚନା ରହିଛି । ଦେଶରେ ବହୁ ସଂଖ୍ୟକ ଲୋକଙ୍କୁ କରୋନା ଭ୍ୟାକ୍ସିନ ଦିଆଯାଉଛି । ବିନା କୌଣସି ବିଶ୍ୱାସଯୋଗ୍ୟ ରେଜଲ୍ଟ ମିଳିନଥିବା ସତ୍ତ୍ୱେ ଏଭଳି ଟିକାକରଣକୁ ବିପଦପୂର୍ଣ୍ଣ ବୋଲି କହିଛନ୍ତି ବିଶେଷଜ୍ଞ ।
ଜାତୀୟ ଗଣମାଧ୍ୟମ ରିପୋର୍ଟ ମୁତାବକ ଚୀନ ଟିକା ଉତ୍ପାଦନ କମ୍ପାନୀ ବିଶ୍ୱ ଟିକା ବଜାରରେ ନିଜର ଦବଦବା କାଏମ୍ କରିବା ଲାଗି ବିପଦପୂର୍ଣ୍ଣ ରାସ୍ତା ଆପଣାଇଛନ୍ତି । ବିଗତ କିଛି ମାସରେ ଚୀନ କମ୍ପାନୀ ସିନୋଫାର୍ମ କହିଥିଲା ଯେ, ଚୀନରେ ଲକ୍ଷାଧିକ ଲୋକଙ୍କୁ ଭ୍ୟାକ୍ସିନ୍ ଦିଆଯାଇଛି, ଯାହା ସାରା ବିଶ୍ୱକୁ ଚକିତ କରିଦେଇଥିଲା ।
ଜୁଲାଇ ମାସରେ ଚୀନ ସରକାର ମଧ୍ୟ ଦୁଇ କରୋନା ଭାଇରସ ଭ୍ୟାକ୍ସିନର ସୀମିତ ବ୍ୟବହାର ନେଇ ମଞ୍ଜୁରୀ ଦେଇଥିଲେ । ଯାହାର ତୃତୀୟ ପର୍ଯ୍ୟାୟ ଟ୍ରାଏଲ ଏ ଯାଏଁ ପୂରା ହୋଇନାହିଁ । ଚୀନ ନିଜ ଭ୍ୟାକ୍ସିନ ପୋଗ୍ରାମକୁ ଆଗକୁ ବଢ଼ାଇବା ସହ ବଡ଼ ସଂଖ୍ୟାକ ଲୋକଙ୍କୁ କରୋନା ଟିକା ଦେଉଛି । ଯେତେବେଳେ କି ଏକ୍ସପର୍ଟ ଏହାକୁ ବିପଦପୂର୍ଣ୍ଣ ବୋଲି କହିଛନ୍ତି । ବିଶ୍ୱ ବଜାରରେ ଚୀନ ନିର୍ମିତ କରୋନା ଟିକା ବିକ୍ରି ପାଇଁ ଚୀନ ଏଭଳି କରୁଥିବା ଜଣାଯାଉଛି । Ft.com ରିପୋର୍ଟ ମୁତାବକ ଚୀନର ଅତି କମ୍ରେ ଗୋଟିଏ ରାଜ୍ୟ ସ୍ୱସ୍ଥ୍ୟ ଅଧିକାରୀ, ସରକାରୀ ବିଭାଗ କର୍ମଚାରୀଙ୍କ ତାଲିକା ମଗାଯାଇଛି ଯେଉଁମାନେ କରୋନା ଟିକା ନେବା ପାଇଁ ଇଚ୍ଛୁକ ଅଛନ୍ତି । ଏମାନଙ୍କୁ ଶୀତ ଋତୁ ପୂର୍ବରୁ ଭ୍ୟାକ୍ସିନ ଦିଆଯାଇପାରେ ।
