ଚୀନ୍ରେ ପୁଣି ଉପର ମୁହାଁ କରୋନା ସଂକ୍ରମଣ, ଯାତ୍ରୀଙ୍କୁ ଦାୟୀ କଲା ଚୀନ୍ ସରକାର
1 min read
ନୂଆଦିଲ୍ଲୀ: ଚୀନରେ କରୋନା ରିଟର୍ଣ୍ଣସ୍। ପୁଣିଥରେ ଦେଶରେ କରୋନା କାୟା ମେଲାଇବାରେ ଲାଗିଛି। ଲଗାତାର ସଂକ୍ରମଣ ମାମଲା ବଢୁଥିବା ବେଳେ ଚୀନ ସରକାରଙ୍କ ଚିନ୍ତା ବଢ଼ିଛି। କରୋନାକୁ କଣ୍ଟ୍ରୋଲକୁ ଆଣିବା ପାଇଁ କଟକଣା କଡ଼ାକଡ଼ି କରାଯାଇଛି। କେତେକ ସ୍ଥାନରେ ସ୍କୁଲ ବନ୍ଦ କରାଯାଇଥିବା ବେଳେ ବିମାନ ଚଳାଚଳ ବନ୍ଦ କରାଯାଇଛି। ଏହାସହ କେତେକ ସ୍ଥାନରେ ଲକଡାଉନ ଜାରି କରାଯାଇଛି। ଚୀନର ଉତ୍ତର ଓ ଉତ୍ତର-ପଶ୍ଚିମ ଅଞ୍ଚଳରେ ସଂକ୍ରମଣ ମାମଲା ବଢ଼ୁଥିବା ରେକର୍ଡ ହୋଇଛି।
ଦେଶରେ ପୁଣିଥରେ କରୋନା କହର ବଢୁବା ପାଇଁ ବାହାରୁ ଆସୁଥିବା ଯାତ୍ରୀଙ୍କୁ ଦାୟୀ କରାଯାଉଛି। ପର୍ଯ୍ୟଟନ କ୍ଷେତ୍ର ବନ୍ଦ କରାଯାଇଥିବା ବେଳେ ସମୂହ କରୋନା ପରୀକ୍ଷା କରାଯାଉଛି। କିଛି ଅଞ୍ଚଳରେ କଟକଣାକୁ କଡ଼ାକଡ଼ି ଦିଆଯାଇଛି। ଗୁରୁତ୍ୱପୂର୍ଣ୍ଣ କାର୍ଯ୍ୟ ନଥିଲେ ଘରୁ ନବାହାରିବାକୁ କଟକଣା ଜାରି କରାଯାଇଛି। ସଂକ୍ରମଣ ବଢୁଥିବାରୁ ଜି ଓ ଲାନଜୁ ଅଞ୍ଚଳରେ ପ୍ରାୟ ୬୦ପ୍ରତିଶତ ବିମାନ ଚଳାଚଳକୁ ବାତିଲ କରିଦିଆଯାଇଛି। କିଛି ଦିନର ବ୍ରେକ୍ ପରେ ପୁଣି ଥରେ ସଂକ୍ରମଣ ଉପରମୁହାଁ ହୋଇଥିବାରୁ ଏହା ଚିନ୍ତାଜନକ ସ୍ଥିତି ସୃଷ୍ଟି କରିଛି।
